ഹരിത കേരളം മിഷൻ പദ്ധതി
അധ്യക്ഷൻ - മുഖ്യമന്ത്രി
സഹ അധ്യക്ഷൻ - തദ്ദേശസ്വയംഭരണം, കൃഷി, ജലവിഭവം വകുപ്പ് മന്ത്രിമാർ
ഉപാധ്യക്ഷൻ - ധനകാര്യം, ആരോഗ്യം, വനം വകുപ്പ് മന്ത്രിമാരും ആസൂത്രണ ബോർഡ് ഉപാധ്യക്ഷനും
പ്രത്യേക ക്ഷണിതാവ് - പ്രതിപക്ഷ നേതാവ്
മിഷൻ സെക്രട്ടറി - ആസൂത്രണ സാമ്പത്തിക കാര്യവകുപ്പ് അഡീഷണൽ ചീഫ് സെക്രട്ടറി
ഹരിത കേരളം മിഷന്റെ പൊതുവായ ലക്ഷ്യങ്ങൾ
◆ ഭൂമിയും മണ്ണും ജലവും വായുവും മലിനമാക്കാതെയുള്ള വികസന പ്രവർത്തനങ്ങൾ സംഘടിപ്പിക്കുന്നതിനും ജല സ്രോതസ്സുകളിൽ ജലസാന്നിധ്യം ഉറപ്പാക്കാൻ ആവശ്യമായ പ്രവർത്തനങ്ങൾ കണ്ടെത്തി നിർവ്വഹിക്കുന്നതിനുമായി സമൂഹത്തെയും തദ്ദേശസ്വയംഭരണ സ്ഥാപനങ്ങളെയും പ്രാപ്തരാക്കുക.
◆ പാരിസ്ഥിതിക സുരക്ഷയും ഉത്പാദന ക്ഷമതയും സ്വയം പര്യാപ്തതയും ലക്ഷ്യമിട്ടു കൊണ്ടുള്ള സാങ്കേതിക പദ്ധതികൾ രൂപീകരിക്കുന്നതിന് പ്രേരക ശക്തിയായി പ്രവർത്തിക്കുക.
◆ ശുചിത്വ - മാലിന്യ സംസ്‌കരണ മേഖലയിലെ നിയമങ്ങൾ കർശനമായി നടപ്പാക്കുന്നുവെന്ന് ഉറപ്പാക്കുക. ജനപങ്കാളിത്തത്തോടെ ശാസ്ത്രീയ മാലിന്യ സംസ്കരണം ഉറപ്പാക്കുക.
◆ മഴവെള്ള സംഭരണം വ്യാപകമാക്കുക, ഭൂഗർഭജലം സംരക്ഷണം ഉറപ്പാക്കുക.
◆ ഫലവൃക്ഷങ്ങൾ, വിവിധോദ്ദേശ്യ മരങ്ങൾ, ഔഷധസസ്യങ്ങൾ എന്നിവ വ്യാപകമായി വച്ചുപിടിപ്പിക്കുക.
ഹരിതകേരളം മിഷന്റെ ഉപദൗത്യങ്ങൾ
◆ ശുചിത്വ - മാലിന്യ സംസ്കരണം.
◆ ജലസംരക്ഷണം (ജലസമൃദ്ധി).
◆ ജൈവകൃഷി രീതിക്ക് പ്രാമുഖ്യം കൊടുത്തുകൊണ്ടുള്ള കൃഷി വികസനം (സുജലം സുഫലം)
PSC ചോദ്യങ്ങൾ
1. ജലം, പരിസ്ഥിതി സംരക്ഷണം, മാലിന്യനിർമ്മാർജ്ജനം മുതലായവ ലക്ഷ്യമിട്ട് ആരംഭിച്ച പദ്ധതി - ഹരിത കേരളം പദ്ധതി
2. ഹരിത കേരളം പദ്ധതി ഉദ്‌ഘാടനം ചെയ്‌തത്‌ - 2016 ഡിസംബർ 8 (പിണറായി വിജയൻ)
3. ഹരിത കേരളം പദ്ധതിയുടെ അധ്യക്ഷൻ - പിണറായി വിജയൻ
4. ഹരിത കേരളം പദ്ധതിയുടെ ഉപാദ്ധ്യക്ഷൻ - ടി.എൻ.സീമ
5. ഹരിത കേരളം പദ്ധതിയുടെ ബ്രാൻഡ് അംബാസിഡർ - കെ.ജെ.യേശുദാസ്
6. ഹരിത കേരളം പദ്ധതിയുടെ മുദ്രാവാക്യം - പച്ചയിലൂടെ വൃത്തിയിലേക്ക്
7. തരിശ് ഭൂമികളിൽ വനവൃക്ഷങ്ങളും ഫല വൃക്ഷങ്ങളും വെച്ചുപിടിപ്പിച്ച് കേരളത്തിൽ ഹരിതവത്കരണം വ്യാപിപ്പിക്കുന്നതിന്റെ ഭാഗമായി ഹരിത കേരള മിഷൻ നടപ്പിലാക്കുന്ന പദ്ധതി - പച്ചത്തുരുത്ത്
8. ഹരിതകേരളം മിഷന്റെ ഭാഗമായി സമഗ്രമായ ജലസംരക്ഷണ പ്രവർത്തനങ്ങളിലൂടെ കാർഷിക ആവശ്യത്തിനും കുടുവെള്ളത്തിനുമുള്ള ശുദ്ധജലം ലഭ്യമാക്കുന്ന പദ്ധതി - ജലരക്ഷ ജീവരക്ഷ
9. ഹരിത കേരളം മിഷന്റെ ഭാഗമായി ഉപയോഗശൂന്യമായ പ്ലാസ്റ്റിക് പേനകൾ ശേഖരിച്ച് പുനഃചംക്രമണത്തിനായി നൽകുന്ന പദ്ധതി - പെൻ ബൂത്ത്