ചാവറ കുര്യാക്കോസ് ഏലിയാസ്

ചാവറ കുര്യാക്കോസ് ഏലിയാസ് 

ജനനം : 1805 ഫെബ്രുവരി 10

മരണം : 1871 ജനുവരി 3


കുര്യാക്കോസ് ഏലിയാസ് ചാവറ എന്നാണു മുഴുവൻ പേര്. 1805 ഫെബ്രുവരി പത്തിന് ആലപ്പുഴ കൈനകരിയിൽ ജനനം. പുരോഹിതവൃത്തിയിലൂടെ അടിസ്ഥാന സമൂഹത്തിനു മാറ്റമുണ്ടാക്കണമെന്ന് അദ്ദേഹം അഭിലഷിച്ചു. ഇടവകകളിൽ സ്കൂളുകൾ തുറക്കാൻ മടി കാണിച്ചാൽ പള്ളികൾ അടച്ചിടുമെന്ന ചാവറയച്ചന്റെ പ്രഖ്യാപനം യാഥാസ്ഥിതികരിൽ എതിർപ്പുണ്ടാക്കി. മത-സാമൂഹികരംഗത്ത് അനവധി സംഭാവനകൾ നൽകിയ ചാവറയച്ചൻ 1871 ജനുവരി മൂന്നാം തീയതി. 1984 ഏപ്രിൽ ഏഴിന് പോപ്പ് ജോൺ പോൾ രണ്ടാമൻ ചാവറയച്ചനെ 'ദൈവദാസനാക്കി' ഉയർത്തി. 1986 ൽ വാഴ്ത്തപ്പെട്ടവനായി സഭ പ്രഖ്യാപിച്ചു. 2014 നവംബർ 23 ന് ചാവറയച്ചനെ വിശുദ്ധനായി പ്രഖ്യാപിച്ചു. കോട്ടയം മാന്നാനത്ത് ചാവറയച്ചൻ സെന്റ് ജോസഫ് പ്രസ് (1844) സ്ഥാപിച്ചു. മലയാളത്തിലെ ആദ്യത്തെ ദിനപത്രമായ നസ്രാണി ദീപിക അച്ചടിച്ചത് അവിടെയാണ്.


ഓർത്തിരിക്കേണ്ട വസ്തുതകൾ


■ 1805ൽ ആലപ്പുഴ ജില്ലയിലെ കൈനകരി ഗ്രാമത്തിൽ ജനിച്ച ഇദ്ദേഹം 1871ൽ കൂനന്മാവ് എന്ന സ്ഥലത്താണ് മരണമടഞ്ഞത്.


■ ചാവറ കുര്യാക്കോസ് ഏലിയാസ് കേരളത്തിലെ ഒരു സാമൂഹ്യ പരിഷ്കർത്താവും വിദ്യാഭ്യാസ പ്രചാരകനുമായിരുന്നു. താഴ്‍ന്ന സമുദായങ്ങളിലെ സ്ത്രീകളുടെ വിദ്യാഭ്യാസത്തിന് അദ്ദേഹം വളരെയധികം പ്രാധാന്യം നൽകി.


■ എല്ലാവർക്കും സൗജന്യ വിദ്യാഭ്യാസം ലഭിക്കുന്നതിനായി ഇദ്ദേഹം ഓരോ പള്ളിയോട് ചേർന്നും സ്ഥാപിച്ച സ്കൂളുകളാണ് പള്ളികൂടങ്ങൾ എന്ന് അറിയപ്പെട്ടത്.


■ കേരള സാക്ഷരതയുടെ പിതാവ് എന്നറിയപ്പെടുന്നു. ഓരോ പള്ളിക്കൊപ്പവും ഒരു പള്ളിക്കൂടം എന്ന ആശയം ഇദ്ദേഹത്തിന്റേതായിരുന്നു.


■ കേരളത്തിലെ ആദ്യത്തെ കത്തോലിക്കാ സംസ്കൃത സ്കൂളിന്റെ സ്ഥാപകൻ.


■ പിടിയരി സമ്പ്രദായം ആരംഭിച്ചത് ഇദ്ദേഹമാണ്. പിടിയരി സമ്പ്രദായത്തിന്റെ പിതാവ് എന്നും ഇദ്ദേഹം അറിയപ്പെടുന്നു.


■ Carmelite of Mary Immaculate (CMI) എന്ന ഇന്ത്യയിലെ ആദ്യത്തെ ക്രൈസ്തവ സന്യാസി സംഘം 1831ൽ രൂപീകരിച്ചത് ഇദ്ദേഹമാണ്. പാലക്കൽ തോമസ് മാപ്പിള, പൊറുകര തോമസ് കത്തനാർ എന്നിവരാണ് മറ്റ് സ്ഥാപക നേതാക്കൾ.


■ സി.എം.സി എന്ന സ്ഥാപനവും (Congregation of the Mothers of Carmal) സ്ഥാപിച്ചത് ഇദ്ദേഹമാണ്.


■ 1846ൽ ഇന്ത്യയിലെ ആദ്യത്തെ സ്വദേശി പ്രസ്സ് ആയ മാന്നാനം സെന്റ് ജോസഫ് പ്രസ്സ് സ്ഥാപിച്ചു. ഇന്ത്യയിലെ മൂന്നാമത്തെ പ്രസ്സാണ് മാന്നാനം പ്രസ്സ്. മാന്നാനം പ്രസ്സിൽ അച്ചടിച്ച ആദ്യത്തെ പുസ്തകമാണ് ജ്ഞാന പീയൂഷം. നസ്രാണി ദീപിക പുറത്തിറക്കിയിരുന്നതും മാന്നാനം പ്രസ്സിൽ നിന്നായിരുന്നു (ദീപിക പത്രത്തിന്റെ ആദ്യകാല നാമം).


■ ഇദ്ദേഹത്തെ 1986 ഫെബ്രുവരി എട്ടാം തീയതി അൽഫോൻസാമ്മയോടൊപ്പം മാന്നാനത് വച്ച് ജോൺ പോൾ രണ്ടാമൻ മാർപാപ്പ വാഴ്ത്തപ്പെട്ടവനായി പ്രഖ്യാപിച്ചു.


■ ഇദ്ദേഹത്തെ 1987 ഡിസംബർ 20-ന് ഭാരത സർക്കാർ തപാൽ സ്റ്റാമ്പിൽ പ്രസിദ്ധീകരിച്ച് ആദരിച്ചു.


■ 2014ൽ ഫ്രാൻസിസ് മാർപാപ്പ ഇദ്ദേഹത്തെ വിശുദ്ധനായി പ്രഖ്യാപിച്ചു.


■ ആത്മാനുതാപം, അനസ്താസ്യയുടെ രക്തസാക്ഷ്യം, ധ്യാനസല്ലാപങ്ങൾ എന്നീ ഗ്രന്ഥങ്ങൾ രചിച്ചത് ഇദ്ദേഹമാണ്.


■ ജീവിതം തന്നെ സന്ദേശം എന്നത് ഇദ്ദേഹത്തിന്റെ ജീവചരിത്രമാണ്. (എം.കെ സാനുവാണ് എഴുതിയത്)


■ മാന്നാനത്താണ് ഇദ്ദേഹത്തിന്റെ ഭൗതികശരീരം അടക്കിയിരിക്കുന്നത്. 


പ്രധാന കൃതികൾ


■ ആത്മാനുതാപം

■ അനസ്താസ്യയുടെ രക്തസാക്ഷ്യം

■ ഒരു നല്ല അപ്പന്റെ ചാവരുൾ

■ നാളാഗമങ്ങൾ (ചരിത്രം)

■ മാന്നാനം നാളാഗമം

■ ധ്യാനസല്ലാപങ്ങൾ

■ മരണപർവ്വം

■ സീറോ മലബാർ സഭയുടെ കലണ്ടർ

■ നാൽപതു മണിയുടെ ക്രമം

■ കനോനനമസ്കാരം


സംഘടനകൾ/സ്ഥാപക വർഷം


■ കേരളത്തിലെ ആദ്യത്തെ കത്തോലിക്കാ സംസ്കൃത സ്കൂൾ (1846)

■ പള്ളികളോടുചേർന്ന് പള്ളികൂടങ്ങൾ

■ കേരളത്തിലെ മൂന്നാമത്തെ അച്ചടിശാല മാന്നാനത്ത് സ്ഥാപിച്ചു (1846)


ആവർത്തിക്കുന്ന ചോദ്യങ്ങൾ


1. ചാവറയച്ചന്റെ ഭൗതികാവശിഷ്ടം എവിടെയാണ് സൂക്ഷിച്ചിരിക്കുന്നത് - മാന്നാനം


2. കുര്യാക്കോസ് ഏലിയാസ് ചാവറ ജനിച്ച വർഷം - 1805


3. ഓരോ പള്ളിക്കൊപ്പവും ഒരു പള്ളിക്കൂടം എന്ന ആശയം മുന്നോട്ടുവെച്ച നവോത്ഥാന  നായകൻ - ചാവറയച്ചൻ


4. വൈദേശികസഹായം കൂടാതെ അച്ചുകൂടം സ്ഥാപിച്ച ആദ്യ മലയാളി - ചാവറയച്ചൻ


5. സാക്ഷരതയുടെ പിതാവ് എന്ന് വിശേഷിപ്പിക്കപ്പെട്ട കേരളത്തിലെ സാമൂഹിക പരിഷ്‌കർത്താവ് - ചാവറ കുര്യാക്കോസ് ഏലിയാസ്


6. വിദേശീയരുടെ സഹായമില്ലാതെ കേരളത്തിൽ ആദ്യമായി അച്ചടിശാല സ്ഥാപിച്ചത് ആരുടെ നേതൃത്വത്തിൽ - കുര്യാക്കോസ് ഏലിയാസ് ചാവറ


7. സെന്റ് ജോസഫ് പ്രസ്സിൽ അച്ചടിച്ച ആദ്യ പുസ്തകം - ജ്ഞാനപീയുഷം


8. നസ്രാണി ദീപിക ആദ്യമായി അച്ചടിച്ച പ്രസ്സ് - സെന്റ് ജോസഫ് പ്രസ്സ്


9. കേരളത്തിലെ ആദ്യ കത്തോലിക്കാ സംസ്കൃത സ്കൂൾ ആരംഭിച്ചതെവിടെ - മാന്നാനം (കോട്ടയം), കൂനമ്മാവ് (എറണാകുളം)


10. 'അമലോത്ഭവദാസ സംഘം' സ്ഥാപിച്ചത് - ചാവറയച്ചൻ


11. ഇന്ത്യയിലെ ആദ്യ ക്രിസ്തീയ സന്ന്യാസി സഭ - CMI


12. CMI സഭയുടെ ആദ്യ സുപ്പീരിയർ ജനറൽ - ചവറ അച്ഛൻ

0 Comments