ദേശീയ സമ്പാദ്യ പദ്ധതി (NSS)
ധനിക - ദരിദ്ര ഭേദമെന്യേ ജനങ്ങളിൽ സമ്പാദ്യശീലം വളർത്തുന്നതിനു ഭാരത സർക്കാർ ആവിഷ്‌കരിച്ചിട്ടുള്ള മുഖ്യപരിപാടികളിൽ ഒന്നാണ് ദേശീയ സമ്പാദ്യ പദ്ധതി (നാഷണൽ സേവിങ്സ് സ്‌കീം). ഈ പദ്ധതിയുടെ നടത്തിപ്പിൽ ബ്ലോക്കുകൾക്കു നിർണായക സ്ഥാനമാണുള്ളത്. പോസ്റ്റ് ഓഫീസ് നിക്ഷേപത്തിലൂടെ ഗ്രാമീണ ജനതയെ വികസന പ്രക്രിയയിൽ പങ്കാളികളാകുന്നു. ഇതിനായി എം.പി.കെ.ബി.വൈ ഏജന്റുമാരായ ഒരു കൂട്ടം വനിതകൾ ബ്ലോക്ക് ഡവലപ്മെന്റ് ഓഫീസറുടെ നിയന്ത്രണത്തിൽ പ്രവർത്തിക്കുന്നു. അഭ്യസ്തവിദ്യരായ വനിതകൾക്ക് ഉപജീവനമാർഗവും രാഷ്ട്ര വികസനത്തിനു സാമ്പത്തികാടിത്തറയും നിക്ഷേപങ്ങൾക്കു സുരക്ഷിതത്വവും നൽകുന്നു എന്നതാണ് ദേശീയ സമ്പാദ്യപദ്ധതിയുടെ പ്രത്യേകത.