ഇന്ത്യൻ ഭരണഘടന അടിസ്ഥാന വിവരങ്ങൾ

ഇന്ത്യൻ ഭരണഘടന അടിസ്ഥാന വിവരങ്ങൾ

ഒരു രാജ്യത്തിന്റെ ഭരണ സംവിധാനങ്ങളെ സംബന്ധിക്കുന്ന അടിസ്ഥാന നിയമ സംഹിതയാണ് ഭരണഘടന. കോൺസ്റ്റിറ്റ്യൂർ (constituere) എന്ന ലാറ്റിൻ പദത്തിൽ നിന്നാണ് കോൺസ്റ്റിറ്റ്യൂഷൻ എന്ന വാക്കിന്റെ ഉത്ഭവം. രാഷ്ട്രത്തിന്റെ ഭരണഘടന സമഗ്രവും, പരമാധികാര സ്വഭാവമുള്ളതുമാണ്.

* ഭരണഘടന ഏകോപനവും ഉറപ്പും നൽകുന്നു.

* തീരുമാനമെടുക്കാനുള്ള അധികാരം വ്യക്തമാക്കുന്നു.

* ഗവൺമെന്റിന്റെ അധികാരങ്ങൾക്ക് പരിധി നിർണയിക്കുന്നു.

* സമൂഹത്തിന്റെ ലക്ഷ്യങ്ങളും അഭിലാഷങ്ങളും വ്യക്തമാക്കുന്നു.

* ജനതയുടെ മൗലികവ്യക്തിത്വമെന്താണെന്ന് വ്യക്തമാക്കുന്നു.

'ലോ ഓഫ് ദ ലാൻഡ്' എന്നറിയപ്പെടുന്നത് ഭരണഘടനയാണ്. ഭരണഘടനയെ ലിഖിത ഭരണഘടനയെന്നും അലിഖിത ഭരണഘടനയെന്നും രണ്ടായി തിരിച്ചിരിട്ടുണ്ട്. ഇന്ത്യ, അമേരിക്ക, ആസ്ട്രേലിയ, ബ്രസീൽ, ദക്ഷിണാഫ്രിക്ക എന്നീ രാജ്യങ്ങളിൽ ലിഖിത ഭരണഘടനയും ബ്രിട്ടൻ, ഇസ്രായേൽ, ന്യൂസിലാന്റ് എന്നീ രാജ്യങ്ങളിൽ അലിഖിത ഭരണഘടനയുമാണുള്ളത്.