ബ്രഹ്മസമാജം
ദുരാചാരങ്ങളുടെ
അന്ധകാരത്തിൽ നിന്ന് ഇന്ത്യൻ സമൂഹത്തെ നവോത്ഥാനത്തിന്റെ വെളിച്ചത്തിലേയ്ക്കു
നയിച്ച സാമൂഹ്യ പരിഷ്കർത്താവാണ് റാം മോഹൻ റോയ്. റാം മോഹൻ റോയ് സ്ഥാപിച്ച ബ്രഹ്മ
സമാജം ഇന്ത്യൻ നവോത്ഥാന രംഗത്തെ ശ്രദ്ധേയ സാന്നിധ്യമായിരുന്നു. 1815 ൽ ആത്മീയസഭ എന്നൊരു സംഘടന രൂപീകരിച്ച
റാം മോഹൻ റോയ് 1828 ൽ ബ്രഹ്മസഭയ്ക്കു രൂപം നൽകി.
ഇതാണ് ബ്രഹ്മ സമാജമായി മാറിയത്. 'ഏകദൈവസംഘം' എന്നാണ് ബ്രഹ്മ സമാജം എന്നതുകൊണ്ട്
അർഥമാക്കുന്നത്. ഹിന്ദു മതത്തിലെ അനാചാരങ്ങളും അന്ധവിശ്വാസങ്ങളും
ഒഴിവാക്കിക്കൊണ്ടുള്ള സാമൂഹിക പരിഷ്കരണവുമായിരുന്നു ബ്രഹ്മസമാജത്തിന്റെ ലക്ഷ്യം. ബ്രഹ്മസമാജത്തിന്റെ
ആദ്യ യോഗം നടന്നത് കൊൽക്കത്തയിലാണ്. എല്ലാ വിശ്വാസങ്ങളും
തുല്യമാണെന്നും തുല്യമായി ബഹുമാനിക്കപ്പെടണമെന്നും അർഥം വരുന്ന "സർവ ധർമ
സംഭവ" എന്നായിരുന്നു ബ്രഹ്മസമാജത്തിന്റെ മുദ്രാവാക്യം. താരാചന്ദ്
ചക്രവർത്തിയായിരുന്നു ബ്രഹ്മസഭയുടെ ആദ്യ സെക്രട്ടറി. ശൈശവ വിവാഹം, ബഹുഭാര്യാത്വം, ജാതിസമ്പ്രദായം തുടങ്ങിയ
അനാചാരങ്ങൾക്കെതിരെ ഈ പ്രസ്ഥാനം ശബ്ദമുയർത്തി. പിതൃസ്വത്തിൽ പെൺകുട്ടികൾക്ക്
അവകാശം നിഷേധിക്കുന്നതിനെ എതിർത്ത അദ്ദേഹം ഇംഗ്ലീഷ് വിദ്യാഭ്യാസത്തിനായി ശക്തമായി
വാദിച്ചു.
താൻ
ജീവിക്കുന്ന സമൂഹത്തിൽ നിലനിന്ന യുക്തിരഹിതമായ ആചാരാനുഷ്ഠാനങ്ങൾ
ഇല്ലാതാക്കുന്നതിനായും സ്ത്രീകളുടെ സ്വാതന്ത്ര്യത്തിനായും അദ്ദേഹം ശബ്ദമുയർത്തി.
രാജാറാം മോഹൻ റോയിയുടെ പ്രവർത്തന ഫലമായി 1829 ൽ വില്യം ബെന്റിക് പ്രഭു നിയമപ്രകാരം
സതി നിർത്തലാക്കി. ഇന്ത്യൻ നവോത്ഥാനത്തിന്റെ പിതാവ്, ആധുനിക ഇന്ത്യയുടെ പിതാവ് എന്നീ
വിശേഷണങ്ങളും രാജാറാം മോഹൻ റോയിക്കുണ്ട്. രാജാറാം മോഹൻ റോയിയെ തുടർന്ന്
ദേവേന്ദ്രനാഥ് ടാഗോർ,
കേശവചന്ദ്ര സെൻ
എന്നിവർ ബ്രഹ്മ സമാജത്തിന്റെ നേതൃത്വത്തിലെത്തി. മഹർഷി ദേവേന്ദ്രനാഥ്
ടാഗോറിന്റെയും കേശവ ചന്ദ്രസെന്നിന്റെയും പ്രവർത്തനം ബ്രഹ്മസമാജത്തെ ഊർജസ്വലമാക്കി.
അവർ തമ്മിലുണ്ടായ അഭിപ്രായവ്യത്യാസങ്ങൾ തുടർന്ന് 1866 ൽ ബ്രഹ്മസമാജം ആദി ബ്രഹ്മസമാജമെന്നും ഭാരതീയ
ബ്രഹ്മസമാജമെന്നും രണ്ടായി പിളർന്നു. ദേവേന്ദ്രനാഥ് ടാഗോറായിരുന്നു ആദി
ബ്രഹ്മസമാജത്തിന്റെ നേതാവ്. ഭാരതീയ ബ്രഹ്മസമാജത്തെ നയിച്ചത് കേശവചന്ദ്ര
സെന്നായിരുന്നു. കേശവ ചന്ദ്ര സെന്നിന്റെ പ്രായപൂർത്തിയാകാത്ത മകളെ കുച്ച്ബിഹാറിലെ
രാജാവിന് വിവാഹം കഴിച്ചുകൊടുത്തത് ഇന്ത്യൻ ബ്രഹ്മസമാജത്തിൽ പിളർപ്പിന്
വഴിതെളിച്ചു. 1878 ൽ ഇന്ത്യൻ ബ്രഹ്മസമാജം വീണ്ടും പിളരുകയും ആനന്ദമോഹൻ ബോസും
ശിവാനന്ദ ശാസ്ത്രിയും ചേർന്ന് സാധാരണ ബ്രഹ്മസമാജം സ്ഥാപിക്കുകയും ചെയ്തു. സാധാരൺ
ബ്രഹ്മസമാജത്തിന്റെ ആദ്യ അധ്യക്ഷൻ ആനന്ദ് മോഹൻ ബോസും ആദ്യ സെക്രട്ടറി ശിവ് ചന്ദ്ര
ദേബും ആയിരുന്നു.
ബ്രഹ്മസമാജത്തിന്റെ
പ്രധാന സവിശേഷതകൾ
ബഹുദൈവാരാധന, വിഗ്രഹാരാധന, പ്രതിമാരാധന എന്നിവ നിരാകരിച്ചു. സ്ത്രീകളുടെ സാമൂഹിക പദവി മെച്ചപ്പെടുത്തുന്നതിനും കുട്ടികളെ സംരക്ഷിക്കുന്നതിനുമുള്ള നിയമനിർമാണത്തിനായി വാദിച്ചു. വേദങ്ങളുടെയും ജാതിവ്യവസ്ഥയുടെയും ആധികാരികത നിരാകരിച്ചു. എല്ലാ ജീവജാലങ്ങളോടും ഉള്ള ബഹുമാനം പ്രോത്സാഹിപ്പിച്ചു. മതേതര മൂല്യങ്ങളെ പിന്തുണച്ചു, വിഭാഗീയതയെ എതിർത്തു.
PSC ചോദ്യങ്ങൾ
1.
'ബ്രഹ്മസമാജ
സ്ഥാപകൻ' - രാജാറാം മോഹൻ റോയ്
2.
ബ്രഹ്മസമാജം
സ്ഥാപിതമായ വർഷം - 1828
3.
ബ്രഹ്മസമാജത്തിന്റെ
ആദ്യ പേര് - ബ്രഹ്മസഭ
4.
'ബ്രഹ്മസഭ' ബ്രഹ്മസമാജം എന്ന പേരിൽ അറിയപ്പെടാൻ
തുടങ്ങിയ വർഷം - 1830
5.
ബ്രഹ്മസമാജത്തിന്റെ
പ്രചരണാർത്ഥം ആരംഭിച്ച പ്രസിദ്ധീകരണം - സംബാദ് കൗമുദി
6.
ബംഗാളി പത്രമായ
സംബാദ് കൗമുദിയുടെ ആദ്യ പത്രാധിപർ - രാജാറാം മോഹൻ റോയ്
7.
രാജാറാം മോഹൻ
റോയിയുടെ മരണശേഷം ബ്രഹ്മസമാജത്തിന്റെ നേതൃത്വം വഹിച്ച വ്യക്തികൾ - ദേവേന്ദ്രനാഥ്
ടാഗോർ, കേശബ് ചന്ദ്ര സെൻ
8.
ബ്രഹ്മസമാജത്തിന്റെ
രണ്ട് പിരിവുകൾ - ആദി ബ്രഹ്മസമാജം, ഭാരതീയ
ബ്രഹ്മസമാജം
9.
ബ്രഹ്മസമാജം
ആദിബ്രഹ്മസമാജവും ഭാരതീയ ബ്രഹ്മസമാജവുമായി പിരിഞ്ഞ വർഷം - 1866
10.
ആദി
ബ്രഹ്മസമാജത്തിന് നേതൃത്വം നൽകിയ നേതാവ് - ദേബേന്ദ്രനാഥ ടാഗോർ
11.
റാം മോഹൻ
റോയിയുടെ ആശയങ്ങൾ പ്രചരിപ്പിക്കുന്നതിനായി ദേബേന്ദ്രനാഥ ടാഗോർ ആരംഭിച്ച സംഘടന -
തത്ത്വബോധിനി സഭ
12.
ദേബേന്ദ്രനാഥ
ടാഗോർ 'തത്വബോധിനി സഭ' ആരംഭിച്ചത് - 1839 ഒക്ടോബർ 6
13.
തത്വബോധിനി
സഭയുടെ ആദ്യത്തെ പേര് - തത്വരഞ്ജിനി സഭ
14.
തത്വബോധിനി
സഭയുടെ മുഖപത്രം - തത്വബോധിനി പത്രിക
15.
ബ്രഹ്മസമാജം
അഭിപ്രായ ഭിന്നതകളെ തുടർന്ന് പിളർന്നപ്പോൾ ദേബേന്ദ്ര നാഥ ടാഗോർ നേതൃത്വം കൊടുത്ത
വിഭാഗം അറിയപ്പെട്ടത് - ആദി ബ്രഹ്മസമാജ്
16.ബ്രഹ്മസമാജത്തിന്റെ അടിസ്ഥാന തത്വങ്ങൾ
പ്രതിപാദിച്ചുകൊണ്ട് ദേബേന്ദ്രനാഥ ടാഗോർ രചിച്ച കൃതി - ബ്രഹ്മധർമ്മ
17.
ബ്രഹ്മസമാജത്തിന്റെ
ബൈബിൾ എന്നറിയപ്പെടുന്നത് - ബ്രഹ്മധർമ്മ
18.
ബ്രഹ്മധർമ്മ
മലയാളത്തിലേക്ക് പരിഭാഷപ്പെടുത്തിയത് - അയ്യത്താൻ ഗോപാലൻ
19.
ദേബേന്ദ്രനാഥ
ടാഗോറിന്റെ പ്രശസ്നായ മകൻ - രബീന്ദ്രനാഥ ടാഗോർ
20.
രബീന്ദ്രനാഥ
ടാഗോർ രചിച്ച ജനഗണമന ആദ്യമായി പ്രസിദ്ധീകരിച്ച മാസിക - തത്വബോധിനി പത്രിക
21.
ഭാരതീയ
ബ്രഹ്മസമാജത്തിന് നേതൃത്വം നൽകിയ നേതാവ് - കേശബ് ചന്ദ്ര സെൻ
22.
കേശബ് ചന്ദ്ര സെൻ
ഇന്ത്യൻ ബ്രഹ്മസമാജ് ആരംഭിച്ചത് - 1866
23.
ഇന്ത്യൻ
ബ്രഹ്മസമാജിന്റെ മറ്റൊരു പേര് - ഭാരതവർഷീയ ബ്രഹ്മസമാജ്
24.
ഗുഡ്‌വിൽ
ഫ്രറ്റേണിറ്റി എന്ന മത സംഘടന ആരംഭിച്ചത് - കേശബ് ചന്ദ്ര സെൻ
25.
ഹിന്ദുമതത്തിന്റേയും
ക്രിസ്‌തുമതത്തിന്റേയും ഒരു സങ്കര ദർശനമായ "നവ വിധാൻ' അവതരിപ്പിച്ചത് - കേശബ് ചന്ദ്ര സെൻ
26.
കേശബ് ചന്ദ്ര സെൻ
ഇന്ത്യൻ റിഫോം അസോസിയേഷൻ സ്ഥാപിച്ചത് - 1870
27.
ഇന്ത്യൻ റിഫോം
അസോസിയേഷന്റെ ആദ്യ പ്രസിഡന്റ് - കേശബ്
ചന്ദ്ര സെൻ
28.
സാധാരണ
ബ്രഹ്മസമാജം രൂപീകരിച്ച വർഷം - 1878
29.
സാധാരണ
ബ്രഹ്മസമാജത്തിന് നേതൃത്വം നൽകിയത് - ആനന്ദമോഹൻ ബോസ്, ശിവനാഥ് ശാസ്ത്രി
30.
വേദസമാജം
സ്ഥാപിച്ചത് - കേശബ് ചന്ദ്രസെന്നും, ശ്രീധരലു
നായിഡുവും
31.
വേദസമാജം
സ്ഥാപിക്കപ്പെട്ട വർഷം - 1864
(മദ്രാസിൽ)
32.
ദേവസമാജം
സ്ഥാപിച്ചത് - ശിവനാരായൺ അഗ്നിഹോത്രി
33. ദേവസമാജം സ്ഥാപിക്കപ്പെട്ട വർഷം - 1887 (ലാഹോറിൽ)
