ഇന്ത്യയിലെ ഔദ്യോഗിക ഭാഷകൾ
ആയിരത്തി
അഞ്ഞൂറിലേറെ മാതൃഭാഷകൾ നിലനിന്ന ഭാരതത്തിൽ ഒരു പൊതുഭാഷ ഇല്ലാതിരുന്നത് വലിയ
പ്രശ്നമായിരുന്നു. സ്വാതന്ത്ര്യം നേടിയശേഷവും ഇക്കാര്യത്തിൽ നമ്മുടെ ഭരണഘടനാനിർമാണ
സഭയ്ക്ക് ഒരു തീരുമാനത്തിലെത്താനായില്ല. ഒടുവിൽ വോട്ടിങ് നടത്തുകയും
രാഷ്ട്രപതിയുടെ 'കാസ്റ്റിങ് വോട്ടി'ന്റെ ഭൂരിപക്ഷത്തോടെ ഹിന്ദി
തിരഞ്ഞെടുക്കപ്പെടുകയും ചെയ്തു. അങ്ങനെ ഹിന്ദി ഇന്ത്യയുടെ ഔദ്യോഗിക ഭാഷയായി.
ഇന്ത്യൻ ഭരണഘടനയുടെ അനുച്ഛേദം 343 ലാണ് ഹിന്ദിയുടെ ഔദ്യോഗിക
ഭാഷാ പദവിയെക്കുറിച്ച് പറയുന്നത്. ഇതോടൊപ്പം ഇംഗ്ലീഷ് ഭാഷയേയും ഔദ്യോഗിക
ആവശ്യങ്ങൾക്കായി ഉപയോഗിക്കാവുന്നതാണെന്ന് ഭരണഘടന അനുശാസിക്കുന്നു. രാജ്യത്തെ
ഏതാണ്ട് 46 ശതമാനം ജനങ്ങളും ഹിന്ദിയും
സമാനഭാഷകളായ ഉർദുവും ഹിന്ദുസ്ഥാനിയും സംസാരിക്കുന്നവരായതുകൊണ്ടാണ് ഹിന്ദിക്ക് ഈ
പദവി കൈവന്നത്.
ഭരണഘടനയുടെ
എട്ടാം ഷെഡ്യൂളിൽ ആദ്യം 14
ഭാഷകളാണ്
ഉൾപ്പെടുത്തിയിരുന്നത്. ഇന്ത്യയുടെ ആദ്യത്തെ ഔദ്യോഗിക ഭാഷാ കമ്മിഷൻ 1955ൽ രൂപീകരിച്ചു. ബി.ജി.ഖേർ ആയിരുന്നു
അതിന്റെ ചെയർമാൻ. 1967ൽ 21 ആം ഭരണഘടന ഭേദഗതിയിലൂടെ സിന്ധിയെ
എട്ടാം ഷെഡ്യൂളിൽ ഉൾപ്പെടുത്തി. 1992ൽ 71 ആം ഭരണഘടന ഭേദഗതിയിലൂടെ കൊങ്കണി, മണിപ്പൂരി, നേപ്പാളി എന്നീ ഭാഷകൾ
ഉൾപ്പെടുത്തുകയുണ്ടായി. 2003ൽ 92 ആം ഭരണഘടന ഭേദഗതിയിലൂടെ ദോഗ്രി, ബോഡോ, സന്താലി, മൈഥിലി എന്നീ ഭാഷകളെയും എട്ടാം
ഷെഡ്യൂളിൽ ഉൾപ്പെടുത്തി. ഇപ്പോൾ ഔദ്യോഗിക ഭാഷയായി 22 എണ്ണമുണ്ട്. രാജ്യത്തെ ആകെ ജനങ്ങളിൽ 91 ശതമാനത്തോളം പേർ സംസാരിക്കുന്ന
ഭാഷകളാണവ. അസ്സമീസ്,
ബംഗാളി, ബോഡോ, ദോഗ്രി, ഗുജറാത്തി, ഹിന്ദി, കശ്മീരി, കന്നഡ, കൊങ്കണി, മൈഥിലി, മലയാളം, മണിപ്പൂരി, മറാഠി, നേപ്പാളി, ഒറിയ, പഞ്ചാബി, സംസ്കൃതം, സന്താലി, സിന്ധി, തമിഴ്, തെലുങ്ക്, ഉർദു എന്നിവയാണ് ഔദ്യോഗിക ഭാഷകൾ.
PSC ചോദ്യങ്ങൾ
■ ഭൂരിഭാഗം ഇന്ത്യക്കാരും സംസാരിക്കുന്ന
ഭാഷ - ഹിന്ദി
■ ഇന്ത്യയുടെ ദേശീയ, ഔദ്യോഗിക ഭാഷ - ഹിന്ദി
■ നാഗാലാൻഡിന്റെ ഔദ്യോഗികവും മാതൃഭാഷയുമാണ് - ഇംഗ്ലീഷ്
■ ദ്രാവിഡ ഭാഷകളിൽ ഏറ്റവും പഴയ ഭാഷ - തമിഴ്
■ ദ്രാവിഡ ഭാഷകളിൽ അവസാനമായി രൂപംകൊണ്ട
ഭാഷ - മലയാളം
■ ഇന്ത്യൻ ഭരണഘടന രാജ്യത്തുടനീളം എത്ര
ഭാഷകൾ അംഗീകരിച്ചിട്ടുണ്ട്
- 22
■ വലത്തുനിന്ന് ഇടത്തോട്ട് എഴുതുന്ന ഒരു
പുരാതന ലിപി -
ഖരോഷ്ടി
■ പാക്കിസ്ഥാനിലെ ഔദ്യോഗിക ഭാഷ - ഉറുദു
■ "ഇന്ത്യയുടെ കോഹിനൂർ" എന്നു
കണക്കാക്കുന്ന ഭാഷ -
ഉറുദു
■ മാലദ്വീപ് ഭാഷയാണ് - ദ്വിവേഹി
■ മലയാളത്തിന്റെയും സംസ്കൃതത്തിന്റെയും
സംയോജിത ഭാഷ -
മണിപ്രവാളം
■ ലിപി ഇല്ലാത്ത ഭാഷ - തുളു
■ പഞ്ചാബി ഭാഷയുടെ ലിപി - ഗുരുമുഖി
■ ഇന്ത്യയിലെ ഏറ്റവും പ്രാചീന ലിപി - ബ്രഹ്മി
■ പട്ടാള ക്യാമ്പുകളുടെയും രാജസദസ്സുകളുടെയും
ഔദ്യോഗിക ഭാഷ
- ഉറുദു
■ സംസ്കൃത ഭാഷ എഴുതാൻ ഉപയോഗിക്കുന്ന ലിപി - ആര്യ ലിപി
■ മാപ്പിള സാഹിത്യത്തിന്റെ ഭാഷ - അറബി മലയാളം
■ ഉറുദു ഭാഷയുടെ പിതാവ് - അമീർ ഖുസ്രു
■ മണിപ്പൂരി ഭാഷയാണ് - മീതൈ
■ വ്യാപകമായി സംസാരിക്കുന്ന ദ്രാവിഡ ഭാഷ - തെലുങ്ക്
■ അരുണാചൽ പ്രദേശിലെ ഭാഷകൾ - മോൻപ, മിജി, ആദി, മിസ്‌മി, താങ്‌സ
■ ഹിമാചൽ പ്രദേശിന്റെ ഭാഷയാണ് - പഹാരി
■ ജമ്മു കശ്മീരിലെ ഭാഷകൾ - ഉറുദു, ഡോഗ്രി, ബാൾട്ടി, ദാദ്രി
■ മേഘാലയയുടെ ഭാഷകൾ - ഘാസിയും ഗാരോയും
■ നാഗാലാൻഡിലെ പ്രധാന ഭാഷകൾ - അംഗാമി, ആവോ, കോന്യാക്ക്, ലോത്ത
■ സിക്കിമിലെ പ്രധാന ഭാഷകൾ - ഭൂട്ടിയ, നേപ്പാളി, ലെപ്ച്ച
■ ത്രിപുരയിലെ പ്രധാന ഭാഷകൾ - ബംഗാളിയും കോക്ക്ബോറോക്കും
■ ലക്ഷദ്വീപിന്റെ ഭാഷകൾ - മലയാളം, ജെസരി, മഹൽ
■ കർണാടകയിലെ മാത്തൂർ ഗ്രാമത്തിലെ ആളുകൾ സംസാരിക്കുന്ന
ഭാഷ - സംസ്കൃതം
■ ഇന്ത്യൻ കറൻസി നോട്ടുകളിൽ എത്ര പ്രാദേശിക
ഭാഷകളിൽ മൂല്യം രേഖപ്പെടുത്തിയിട്ടുണ്ട് - 17
■ ആർട്ടിക്കിൾ 343 (1) പ്രകാരം ഇന്ത്യയുടെ ഔദ്യോഗിക ഭാഷ - ഹിന്ദി
■ ഔദ്യോഗിക ഭാഷകൾ കൈകാര്യം ചെയ്യുന്ന
ഇന്ത്യൻ ഭരണഘടനയുടെ ഷെഡ്യൂൾ
- എട്ടാമത്തെ ഷെഡ്യൂൾ
■ ഇന്ത്യൻ ഭരണഘടനയുടെ ഔദ്യോഗിക
ഭാഷകളുമായി ബന്ധപ്പെട്ട ആർട്ടിക്കിൾ - ആർട്ടിക്കിൾ
345 - 351
■ ഇന്ത്യൻ കറൻസി നോട്ടുകളിലെ ഭാഷകളുടെ
എണ്ണം - 17 [മുൻവശത്തെ 2 ഭാഷകൾ (ഇംഗ്ലീഷ്, ഹിന്ദി) ബാക്കി 15 പുറകുവശത്ത്].
■ ഇന്ത്യയിൽ ഏറ്റവും കൂടുതൽ ആളുകൾ
സംസാരിക്കുന്ന ഭാഷ -
ഹിന്ദി
■ ഇന്ത്യയിൽ ഏറ്റവും കൂടുതൽ ആളുകൾ
സംസാരിക്കുന്ന രണ്ടാമത്തെ ഭാഷ
- ബംഗാളി
■ ഹിന്ദി ഭാഷ എഴുതാൻ ഉപയോഗിക്കുന്ന ലിപി - ദേവനാഗരി
■ പ്രധാന ദ്രാവിഡ ഭാഷകൾ - മലയാളം, തമിഴ്, കന്നഡ, തെലുങ്ക്
■ ഏറ്റവും കൂടുതൽ ഭാഷകളുള്ള ഇന്ത്യൻ സംസ്ഥാനം - അരുണാചൽ പ്രദേശ്
