ഇന്ത്യയിലെ നൃത്തരൂപങ്ങൾ

ഇന്ത്യയിലെ നൃത്തരൂപങ്ങൾ

ഇന്ത്യയിലെ നൃത്തത്തിന്റെ ചരിത്ര പശ്ചാത്തലം

ഭരതമുനിയാണ് ഇന്ത്യൻ അവതരണ കലകളുടെ പിതാവ് എന്നറിയപ്പെടുന്നത്. ഭരതമുനി രചിച്ച പ്രശസ്തകൃതിയാണ് നാട്യശാസ്ത്രം. ബി.സി.രണ്ടാം നൂറ്റാണ്ടിനും എ.ഡി.രണ്ടാം നൂറ്റാണ്ടിനുമിടയിലാണ് നാട്യശാസ്ത്രം രചിച്ചത്. നാട്യശാസ്ത്രത്തിന് അഭിനവഭാരതി എന്ന പേരിൽ ഭാഷ്യമെഴുതിയത് അഭിനവഗുപ്തൻ. നൃത്തത്തിന്റെ ഉറവിടമായി കരുതപ്പെടുന്ന ഭാരതീയദേവനാണ് ശിവൻ. നൃത്തം ചെയ്യുന്ന ശിവരൂപമാണ് നടരാജൻ. ചോളരാജാക്കന്മാരുടെ കാലത്താണ് ആദ്യമായി നടരാജവിഗ്രഹങ്ങൾ നിർമ്മിക്കപ്പെട്ടത്.

ക്ലാസിക്കൽ നൃത്തങ്ങൾ

ഇന്ത്യയിലെ നൃത്തരൂപങ്ങൾക്ക് ക്ലാസിക്കൽ പദവി നൽകുന്നത് കേന്ദ്ര സംഗീത നാടക അക്കാദമിയാണ്. നിലവിൽ എട്ടു നൃത്തരൂപങ്ങൾക്കാണ് ഇന്ത്യയിൽ ക്ലാസിക്കൽ പദവിയുള്ളത്. ഭരതനാട്യം, ഒഡീസി, കുച്ചിപ്പുഡി, മണിപ്പുരി, മോഹിനിയാട്ടം, സാത്രിയ, കഥകളി, കഥക് എന്നിവയാണ് ക്ലാസിക്കൽ നൃത്തരൂപങ്ങൾ.

ഭരതനാട്യം

നാട്യശാസ്ത്രാടിസ്ഥാനത്തിലുള്ള മുഖ്യനൃത്തരൂപമാണ് ഭരതനാട്യം. ദാസിയാട്ടം എന്നറിയപ്പെട്ടിരുന്ന ഭാരതനാട്യത്തിന്റെ ഉദ്ഭവം തമിഴ്നാട്ടിലാണ്. 'ചലിക്കുന്ന കാവ്യം' എന്നാണ് ഭരതനാട്യം അറിയപ്പെടുന്നത്. ഇന്ത്യയുടെ ദേശീയ നൃത്തരൂപമായി വിശേഷിപ്പിക്കാറുള്ളത് ഭരതനാട്യത്തെയാണ്. അഭിനവദർപ്പണം എന്ന കൃതിയാണ് ഭരതനാട്യത്തിന്റെ അടിസ്ഥാന ഗ്രന്ഥം. ഭരതനാട്യത്തിനെ പരിഷ്കരിച്ചവരിൽ പ്രധാനപ്പെട്ടയാളാണ് രുക്മിണി ദേവി അരുണ്ഡേൽ. 1936ൽ രുക്മിണി ദേവി സ്ഥാപിച്ചതാണ് കലാക്ഷേത്ര. ചെന്നൈയാണ് ആസ്ഥാനം. യാമിനി കൃഷ്ണമൂർത്തി, പത്മാസുബ്രഹ്മണ്യം, മല്ലികാ സാരഭായ് എന്നിവർ ഈ രംഗത്തെ പ്രഗല്ഭരാണ്.

ഒഡീസി

ഒഡിഷയിലെ പ്രധാന നൃത്തരൂപമാണ് ഒഡീസി. ജയദേവരുടെ ഗീത ഗോവിന്ദത്തെയാണ് ഒഡീസിയിൽ ആധാരമാക്കിയിരിക്കുന്നത്. മംഗളാചരണം, സ്ഥായി, പല്ലവി, അഭിനയം, മോക്ഷം എന്നിവയാണ് ഒഡീസിയിലെ അഞ്ചുഭാഗങ്ങൾ. മോക്ഷ എന്ന ഭാഗത്തോടെയാണ് ഒഡീസി നൃത്തം അവസാനിക്കുന്നത്. ഒഡിഷയിലെ ക്ഷേത്രശില്പങ്ങൾ ഒഡീസി നൃത്തമാതൃകയിലുള്ളവയാണ്. കേളുചരൺ മഹാപാത്ര, സോണാൽ മാൻസിങ്, ഇന്ദ്രാണി റഹ്മാൻ, പ്രൊമിത ബേഡി തുടങ്ങിയവരാണ് ഈ രംഗത്തെ പ്രഗല്ഭർ.

കുച്ചിപ്പുഡി

ആന്ധ്രാപ്രദേശിലെ കുച്ചിപ്പുഡി ഗ്രാമത്തിലാണ് കുച്ചിപ്പുഡി നൃത്തം ഉടലെടുത്തത്. കുചേലപുരം എന്നും കുച്ചിപ്പുഡി ഗ്രാമം അറിയപ്പെടുന്നു. സിദ്ധേന്ദ്ര യോഗിയാണ് കുച്ചിപ്പുഡിക്ക് ഇപ്പോഴുള്ള രൂപം നൽകിയത്. പത്മശോഭനായിഡു, രാജറെഡി, രാധറെഡി, കൗസല്യറെഡി തുടങ്ങിയവരാണ് ഈ രംഗത്തെ പ്രഗല്ഭർ.

മണിപ്പുരി

മണിപ്പുരിൽ നിന്നുള്ളതാണ് മണിപ്പുരി നൃത്തം. കൃഷ്ണന്റെ രാസലീലയാണ് മണിപ്പുരി നൃത്തത്തിന്റെ പ്രധാന ഇതിവൃത്തം. ഗുരു ബിബിൻ സിംഹ, ഗുരു നീലേശ്വർ മുഖർജി, ഗുരു ചന്ദ്ര കാന്ത സിംഹ, തമന്ന റഹ്മാൻ തുടങ്ങിയവർ ഈ രംഗത്തെ പ്രഗല്ഭരാണ്.

മോഹിനിയാട്ടം

കേരളത്തിന്റെ തനത് ലാസ്യ നൃത്തരൂപമാണ് മോഹിനിയാട്ടം. ശൃംഗാരഭാവത്തിന് കൂടുതൽ ഊന്നൽ നൽകുന്ന നൃത്തമാണ് മോഹിനിയാട്ടം. മോഹിനിയാട്ടത്തിന്റെ പുനരുജ്ജീവനത്തിൽ പ്രധാന പങ്കു വഹിച്ച രാജാവാണ് സ്വാതിതിരുനാൾ. കലാമണ്ഡലം ക്ഷേമാവതി, വിനീത നെടുങ്ങാടി, സുനന്ദ നായർ, പല്ലവികൃഷ്ണൻ തുടങ്ങിയവർ ഈ രംഗത്തെ പ്രഗല്ഭരാണ്.

സാത്രിയ

അസമിന്റെ ക്ലാസിക്കൽ നൃത്തരൂപമാണ് സാത്രിയ. സത്രങ്ങളോടനുബന്ധിച്ചു നടത്തിയിരുന്ന നൃത്തരൂപമായിരുന്നു ഇത്. വൈഷ്ണവ സന്ന്യാസിയായിരുന്ന ശങ്കരദേവനാണ് സാത്രിയ നൃത്തത്തിന് ഇപ്പോഴത്തെ രൂപം നൽകിയത്. അനിതാ ശർമ, ഗഹൻ ചന്ദ്രഗോസ്വാമി, ആനന്ദമോഹൻ ഭഗവതി തുടങ്ങിയവർ ഈ രംഗത്തെ പ്രഗല്ഭരാണ്.

കഥകളി

കേരളത്തിന്റെ തനതുകലയാണ് കഥകളി. രാമനാട്ടമായിരുന്നു കഥകളിയുടെ ആദിരൂപം. രാമനാട്ടം കഥകളിയായി രൂപപ്പെട്ടത് കോട്ടയത്തു തമ്പുരാന്റെ കാലത്താണ്. കഥകളിയുടെ സാഹിത്യരൂപമാണ് ആട്ടക്കഥ. കഥകളിയിലെ വേഷങ്ങളെ പച്ച, കത്തി, കരി, താടി, മിനുക്ക് എന്നിങ്ങനെ അഞ്ചായി തിരിച്ചിരിക്കുന്നു. കലാമണ്ഡലം കൃഷ്ണൻ നായർ, കലാമണ്ഡലം രാമൻ കുട്ടിനായർ, കലാമണ്ഡലം ഗോപി, ചേമഞ്ചേരി കുഞ്ഞിരാമൻ നായർ തുടങ്ങിയവർ ഈ രംഗത്തെ പ്രഗല്ഭരാണ്.

കഥക്

വടക്കേ ഇന്ത്യയിലെ ഏക ക്ലാസിക് നൃത്തമാണ് കഥക്. ഉത്തർപ്രദേശിലാണ് കഥക് ഉത്ഭവിച്ചത്. ഹിന്ദു-മുസ്ലിം സംസ്‌കാരികാംശങ്ങളെ ഉൾക്കൊള്ളുന്ന ഏക ക്ലാസിക്കൽ നൃത്തമാണ് കഥക്. ശ്രീകൃഷ്ണ കഥകളാണ് കഥക് നർത്തകർ അവതരിപ്പിക്കുന്നത്. ബിർജു മഹാരാജ്, സിത്താരാ ദേവി, കുമുദിനീ ലഖിയ, ഷോവന നാരായൺ തുടങ്ങിയവർ ഈ രംഗത്തെ പ്രഗല്ഭരാണ്.

ഇന്ത്യൻ സംസ്ഥാനങ്ങളിലെ നൃത്തരൂപങ്ങൾ 

■ കേരളം - കഥകളി, മോഹിനിയാട്ടം, ഓട്ടൻതുള്ളൽ

■ ആന്ധ്രാപ്രദേശ് - കുച്ചുപ്പുടി, കൊട്ടം

■ അസം - ബിഹു, സാത്രിയ, ഒജപാലി, ബജാവാലി

■ അരുണാചൽ പ്രദേശ് - വെയ്കിങ്

■ മഹാരാഷ്ട്ര - തമാശ, ദാഹികാല, ലെസിം

■ പഞ്ചാബ് - ഭാംഗ്ര, ഗിഡ

■ ഒഡീഷ - ഒഡീസി, ഗോട്ടിപുവ, ബഹാകവാഡ, ദന്താനതെ, ചൗ

■ ഗുജറാത്ത് - ഗർബ, ദാണ്ഡിയ, രാസ്, ഭാവൈ, രാസലീല, തിപ്‌നി

■ തമിഴ്‌നാട് - ഭരതനാട്യം, കുമ്മി, കരഗാട്ടം, മയിലാട്ടം, കോലാട്ടം, തെരുകൂത്ത്

■ ബീഹാർ - ജത്-ജതിൻ, ബിദേസിയ

■ കർണ്ണാടക - യക്ഷഗാനം, ബായലാട്ടം 

■ രാജസ്ഥാൻ - ഖയാൽ, ഗുമാർ, ഭാവൈ, ഗാം ഗോർ, ജുലൽലീല, കായംഗ ബജവംഗ

■ ജമ്മു കാശ്മീർ - റൗഫ്, ഛാക്രി, ഹികാത്ത് 

■ ജാർഖണ്ഡ് - കർമ 

■ മിസോറാം - ചിറാവു (മുള നൃത്തം)

■ മണിപ്പൂർ - മണിപ്പൂരി, ലായിഹരേബ, മഹാരസ്സ

■ പശ്ചിമ ബംഗാൾ - ചൗ, ജാത്ര, കാഥി

■ ഉത്തർപ്രദേശ് - കഥക്, നൗട്ടങ്കി, രാസലീല, ഛപ്പേലി, കജ്റി, കാരൺ

■ മധ്യപ്രദേശ് - മച, ലോത, ഗ്രിഡ, ലോത്ത, പാണ്ട്വാനി

■ മേഘാലയ - ഷാദ്, നോംഗ്ക്രം 

■ ഹിമാചൽ പ്രദേശ് - നതി, ഗിഡപർഹ്യൻ, കായംഗ, ലുഡ്‌ഢി

■ ഹരിയാന - സ്വാംഗ്

■ ഉത്തരാഖണ്ഡ് - കുമയോൺ

PSC ചോദ്യങ്ങൾ

■ ഇന്ത്യയിലെ ക്ലാസിക്കൽ നൃത്തങ്ങൾ - കഥകളി, മോഹിനിയാട്ടം, ഭരതനാട്യം, കഥക്, ഒഡീസി, മണിപ്പൂരി, കുച്ചുപ്പുടി, സാത്രിയ

■ കേരളത്തിന്റെ തനത്‌ കലയെന്നു വിശേഷിപ്പിക്കുന്ന നൃത്തരൂപം - കഥകളി

■ കഥകളിയുടെ ആദ്യരൂപം - രാമനാട്ടം

■ രാമനാട്ടം ഉത്ഭവിച്ച നൂറ്റാണ്ട്‌ - ഏഴാം നൂറ്റാണ്ട്

■ ആദ്യമായി രാമനാട്ടം അവതരിപ്പിച്ചതാര് - കൊട്ടാരക്കര തമ്പുരാന്‍

■ കഥകളി സാഹിത്യം അറിയപ്പെടുന്നത്‌ - കഥകളിപ്പദങ്ങള്‍

■ കഥകളിലെ രംഗസജ്ജീകരണവും വേഷകെട്ടലും അറിയപ്പെടുന്നത്‌ - ആഹാര്യം

■ കേരളത്തിന്റെ തനതലാസ്യ നൃത്തരൂപം - മോഹിനിയാട്ടം

■ മോഹിനിയാട്ടത്തിനു രൂപം നൽകിയ തിരുവിതാംകൂര്‍ രാജാവ്‌ - സ്വാതിതിരുനാള്‍

■ മോഹിനിയാട്ടത്തിന്റെ സംഗീതം - മണിപ്രവാള ഭാഷയിലെ ചൊല്ലുകള്‍

■ ക്ലാസ്സിക്കല്‍ പദവി ലഭിച്ച കേരളത്തിലെ നൃത്തരൂപങ്ങള്‍ - കഥകളി, മോഹിനിയാട്ടം

■ ലോക പൈതൃകമായി യുനസ്കോ അംഗീകരിച്ച ഇന്ത്യയിലെ ആദ്യ നൃത്തരൂപം - കൂടിയാട്ടം

■ കേരളത്തിലെ ഏതു ജില്ലയിലെ കലാരൂപമാണ്‌ യക്ഷഗാനം - കാസർഗോഡ്

■ കണ്ണൂര്‍, കാസർഗോഡ് ജില്ലകളില്‍ കാണപ്പെടുന്ന പ്രധാന കലാരൂപം - തെയ്യം

■ “തെയ്യം"എന്ന വാക്കിനർത്ഥം - ദൈവം

■ പടയണി എന്ന കലാരൂപത്തിന്റെ ജന്മദേശം - കടമ്മനിട്ട

■ കടമ്മനിട്ട ഏതു ജില്ലയില്‍ സ്ഥിതിചെയ്യുന്നു - പത്തനംതിട്ട

■ പടയണിയെ ജനകീയവൽക്കരിച്ചതാര് - കടമ്മനിട്ട രാമകൃഷ്ണന്‍

■ “പുലിക്കളി"ഏതു ജില്ലയുമായി ബന്ധപ്പെട്ടിരിക്കുന്നു - തൃശ്ശൂര്‍

■ “കൊങ്ങൻപട' എന്ന കലാരൂപം ഏതു ജില്ലയിലെ കലാരൂപമാണ്‌ - പാലക്കാട്‌

■ വേലകളി ഏതു ജില്ലയിലെ കലാരൂപം - ആലപ്പുഴ

■ ക്ലാസിക്കല്‍ പദവി ലഭിച്ച അസ്സമിലെ നൃത്തരൂപം - സാത്രിയ

■ സാത്രിയ ഉത്ഭവിച്ച നൂറ്റാണ്ട്‌ - 19

■ “സാത്രിയ' എന്ന നൃത്തരൂപത്തിന്‌ പ്രോത്സാഹനം നൽകിയതാര് - ശങ്കരദേവ

■ ബിഹു ഏതു സംസ്ഥാനത്തിലെ കലാരൂപം - അസ്സം

■ ഒജപാലി എന്ന കലാരൂപം ഏതു സംസ്ഥാനത്തിലാണ്‌ - അസ്സം

■ ക്ലാസ്സിക്കല്‍ പദവി ലഭിച്ച മണിപ്പൂരിലെ നൃത്തരൂപം - മണിപ്പൂരി

■ രാധയും കൃഷ്ണനും തമ്മിലുള്ള ബന്ധത്തെക്കുറിച്ച്‌ പ്രതിപാദിക്കുന്ന മണിപ്പൂരിലെ നൃത്തരൂപം - മണിപ്പൂരി

■ 'മഹാരാസ' ഏതു സംസ്ഥാനത്തിലെ നൃത്തരൂപം - മണിപ്പൂരി

■ ക്ലാസ്സിക്കല്‍ പദവി ലഭിച്ച ഉത്തേന്ത്യയിലെ നൃത്തരൂപം - കഥക്‌

■ പാക്കിസ്ഥാനിന്റെ ദേശീയ നൃത്തരൂപം - കഥക്‌

■ മുഗള്‍ രാജവംശത്തിന്റെ സദസ്സിലുണ്ടായിരുന്ന പ്രധാന നൃത്തരൂപം - കഥക്‌

■ കഥകിന്റെ സൃഷ്ടാക്കള്‍ - നവാബ്‌ വജിദ്‌ അലിഷ, പണ്ഡിറ്റ്‌ ഠാക്കൂര്‍, പ്രാസാദ്ജി

■ ഏതു സംസ്ഥാനത്തിലെ പ്രധാന നൃത്തരൂപമാണ്‌ 'മാച്ച' - മധ്യപ്രദേശ്‌

■ ആന്ധ്രാപ്രദേശിന്റെ തനത്‌ കലാരൂപം - കുച്ചുപ്പുടി

■ കുചേലപുരം എന്നറിയപ്പെടുന്ന നൃത്തരൂപം - കുച്ചുപ്പുടി

■ ക്ലാസ്സിക്കല്‍ പദവി ലഭിച്ച ആന്ധ്രാപ്രദേശിലെ നൃത്തരൂപം - കുച്ചുപ്പുടി

■ കുച്ചുപ്പുടിയുടെ ജന്മഗ്രാമം - ആന്ധ്രാപ്രദേശ്‌

■ “കൊറ്റം' ഏതു സംസ്ഥാനത്തിലെ നൃത്തരൂപം - ആന്ധ്രാപ്രദേശ്‌

■ വെമ്പട്ടി ചിന്ന സത്യം ഏതു നൃത്തരൂപവുമായി ബന്ധപ്പെട്ടിരിക്കുന്നു - കുച്ചുപ്പുടി

■ ക്ലാസിക്കല്‍ പദവി ലഭിച്ച ഒഡീഷയിലെ നൃത്തരൂപം - ഒഡീസ്സി

■ “ചലിക്കുന്ന നൃത്തം" എന്നറിയപ്പെടുന്നത്‌ - ഒഡീസ്സി

■ ഭരതനാട്യം ഏതു സംസ്ഥാനത്തില്‍ ഉത്ഭവിച്ച നൃത്തരൂപം - തമിഴ്നാട്‌

■ “ചലിക്കുന്ന കാവ്യം" എന്നറിയപ്പെടുന്നത്‌ - ഭരതനാട്യം

■ ഇന്ത്യയുടെ ദേശീയ നൃത്തരൂപം - ഭരതനാട്യം

■ ഭരതനാട്യത്തിന്റെ പഴയപേര് - ദാസിയാട്ടം

■ ക്ലാസ്സിക്കല്‍ പദവി ലഭിച്ച തമിഴ്നാട്ടിലെ നൃത്തരൂപം - ഭരതനാട്യം

■ “തമാശ” ഏതു സംസ്ഥാനത്തിലെ നൃത്തരൂപം - മഹാരാഷ്ട്ര

■ ചപ്പേലി, കാജറി, നതാംഗി ഏതു സംസ്ഥാനത്തിലെ നൃത്തരൂപങ്ങള്‍ - ഉത്തർപ്രദേശ്

■ പശ്ചിമബംഗാളിലെ പ്രധാന നൃത്തരൂപം - ജാത്ര

■ ഗർബ, രസില ഏതു സംസ്ഥാനവുമായി ബന്ധപ്പെട്ടിരിക്കുന്നു - ഗുജറാത്ത്‌

■ “യക്ഷഗാനം” ഏതു സംസ്ഥാനത്തിലെ പ്രധാന നൃത്തരൂപം - കർണാടക

■ ഹിമാചല്‍ പ്രദേശിലെ പ്രധാന നൃത്തരൂപം - നതി

■ തമിഴ്നാടിലെ പ്രധാന നൃത്തരൂപങ്ങള്‍ - കോലാട്ടം, കുമ്മി, തെരുക്കൂത്ത്‌

■ “ഭാംഗ' ഏതു സംസ്ഥാനത്തിലെ നൃത്തരൂപം - പഞ്ചാബ്‌

■ ഗംഗോര്‍, ഖായല്‍ ഏതു സംസ്ഥാനത്തിലെ നൃത്തരൂപങ്ങളാണ്‌ - രാജസ്ഥാന്‍