വാഗ്ഭടാനന്ദൻ

വാഗ്ഭടാനന്ദൻ

'മലബാറിലെ നാരായണഗുരു' എന്നു വിശേഷിപ്പിക്കപ്പെട്ടു. ആത്മീയ വിപ്ലവകാരി. ജ്ഞാന സംവാദങ്ങളിലൂടെ പ്രസിദ്ധി നേടി. 1884 ഏപ്രിൽ 29ന് കണ്ണൂരിലെ പാട്യം ഗ്രാമത്തിൽ ജനിച്ചു. 'കുഞ്ഞിക്കണ്ണൻ ഗുരുക്കൾ' എന്നായിരുന്നു പേര്. 1906 ൽ കോഴിക്കോട്ട് എത്തുകയും 'ആത്മപ്രകാശിക' എന്ന പേരിൽ ഒരു സംസ്കൃത വിദ്യാലയം ആരംഭിക്കുകയും  ചെയ്തു. മലബാറിൽ സംസ്കൃതഭാഷയെ ജനകീയമാക്കുന്നതിൽ മുൻകൈയെടുത്തു. 1910 ൽ ബ്രഹ്മാനന്ദ ശിവയോഗിയെ പരിചയപ്പെട്ടതു വഴിത്തിരിവായി. 1911 ൽ കല്ലായിയിൽ 'രാജയോഗാനന്ദകൗമുദിയോഗശാല' സ്ഥാപിച്ചു. സംവാദങ്ങളിൽ അസാമാന്യമായ ഭാഷാവൈഭവം പ്രകടിപ്പിച്ച ഗുരുക്കൾക്ക് 'വാഗ്ഭടാനന്ദൻ' എന്ന വിശേഷണം നൽകിയത് ശിവയോഗിയാണ്.

1914 മാർച്ചിൽ 'ശിവയോഗി വിലാസം' മാസിക ആരംഭിച്ചു. 1920 ൽ തിരുവിതാംകൂറിലും മലബാറിലും 'ആത്മവിദ്യാസംഘം' സ്ഥാപിച്ചു. മതപരിഷ്കരണമായിരുന്നു മുഖ്യലക്ഷ്യം. 'ഐക്യനാണയസംഘം' എന്ന പേരിൽ ഒരു ബാങ്കും വാഗ്ഭടാനന്ദന്റെ നേതൃത്വത്തിൽ രൂപംകൊണ്ടു. 1921 ൽ ആത്മവിദ്യാസംഘം 'അഭിനവ കേരളം' എന്ന മുഖപത്രം തുടങ്ങി. ശ്രീനാരായണഗുരു പ്രതിഷ്‌ഠ നടത്തിയ കോഴിക്കോട് ശ്രീകണ്‌ണ്ഠേശ്വരം ക്ഷേത്രത്തിൽ നാരായണീയത്തെക്കുറിച്ചുള്ള 16 തിങ്കളാഴ്ച്‌ച നീണ്ടുനിന്ന പ്രസംഗ പരമ്പര തീരും മുൻപേ രോഗബാധിതനായി കിടപ്പിലായി. അന്ധവിശ്വാസങ്ങളെ യുക്തിയുടെ മാർഗം ഉപയോഗിച്ച് ഉച്ചാടനം ചെയ്യാനാണ് അദ്ദേഹം അവസാനം വരെ ശ്രമിച്ചത്. പ്രാചീന പ്രമാണങ്ങൾ ഉദ്ധരിച്ചുകൊണ്ട് മധ്യവർജനത്തിന്റെ പ്രസക്തി ജനങ്ങളെ ബോധ്യപ്പെടുത്തി. 1939 ഒക്ടോബർ 29 ന് അന്തരിച്ചു.

പ്രധാന മാസികകൾ

ശിവയോഗ വിലാസം (1914), അഭിനവകേരളം (1921), ആത്മവിദ്യാ കാഹളം (1929), യജമാനൻ (1939)

പ്രധാന പുസ്തകങ്ങൾ 

ആത്മവിദ്യ, അദ്ധ്യാത്മയുദ്ധം, പ്രാർത്ഥനാഞ്ജലി, ഗാന്ധിജിയും ശാസ്ത്രവ്യാഖ്യാനവും, ഈശ്വര വിചാരം, ആത്മവിദ്യാലേഖമാല, കൊട്ടിയൂർ ഉത്സവപ്പാട്ട്

PSC ചോദ്യങ്ങൾ

1. വാഗ്ഭടാനന്ദനെന്ന പ്രസിദ്ധനായ സന്യാസിവര്യന്റെ യഥാർത്ഥ നാമം - വയലേരി കുഞ്ഞിക്കണ്ണൻ

2. ക്ഷേത്രങ്ങളിൽ നിലനിന്നിരുന്ന ഇളനീരാട്ടം തെറ്റാണെന്ന് വാദിച്ച സാമൂഹിക പരിഷ്‌കർത്താവ് - വാഗ്ഭടാനന്ദൻ

3. അഭിനവ കേരളം മാസിക ആരംഭിച്ചത് ആരാണ്? - വാഗ്ഭടാനന്ദൻ

4. ജാതി പ്രമാണം ഹിന്ദുമതത്തിന്റെ അടിസ്ഥാന പ്രമാണങ്ങൾക്ക് വിരുദ്ധമാന്നെന്ന് വാദിച്ച നവോഥാന നായകൻ - വാഗ്ഭടാനന്ദൻ

5. അധ്യാത്മയുദ്ധം രചിച്ചത് - വാഗ്ഭടാനന്ദൻ

6. 'ഊരാളുങ്കൽ കൂലിവേലക്കാരുടെ പരസ്പരസഹായ സംഘം' (പില്ക്കാലത്ത് Uralungal Labour Contract Co-operative Society Ltd ആയി മാറി) സ്ഥാപിച്ചതാര് - വാഗ്ഭടാനന്ദൻ

7. കോഴിക്കോട്ട് പ്രീതിഭോജനം സംഘടിപ്പിച്ചത് - വാഗ്ഭടാനന്ദൻ

8. കൊട്ടിയൂർ ഉത്സവപ്പാട്ട് രചിച്ചത് - വാഗ്ഭടാനന്ദൻ

9. കോഴിക്കോട്ട് തത്ത്വപ്രകാശിക ആശ്രമം സ്ഥാപിച്ചത് - വാഗ്ഭടാനന്ദൻ

10. കുഞ്ഞിക്കണ്ണൻ ഗുരുക്കൾക്ക് വാഗ്ഭദാനന്ദൻ എന്ന പേര് നൽകിയത് - ആലത്തൂർ ബ്രഹ്മാനന്ദ ശിവയോഗി

11. ആത്മവിദ്യാസംഘത്തിന്റെ ആശയങ്ങളും ലക്ഷ്യങ്ങളും പ്രതിപാദിക്കുന്ന വാഗ്‌ഭടാനന്ദൻ രചിച്ച കവിത - സ്വാതന്ത്രചിന്താമണി (1921)

12. ആത്മവിദ്യാസംഘത്തിന്റെ മുഖപത്രം - അഭിനവ കേരളം (1921)

13. ഏകദൈവ വിശ്വാസം പ്രചരിപ്പിച്ച സാമൂഹിക പരിഷ്‌കർത്താവ് - വാഗ്ഭടാനന്ദൻ

14. 1911-ൽ കോഴിക്കോട്ടിൽ രാജയോഗാനന്ദ കൗമുദി യോഗശാല സ്ഥാപിച്ചതാര് - വാഗ്ഭടാനന്ദൻ

15. വാഗ്ഭടാനന്ദന്റെ ബാല്യകാലനാമം - കുഞ്ഞിക്കണ്ണൻ

16. വി.കെ.ഗുരുക്കൾ, ബലാഗുരു എന്നീ പേരുകളിൽ അറിയപ്പെട്ടിരുന്ന സാമൂഹിക പരിഷ്‌കർത്താവ് - വാഗ്‌ഭടാനന്ദൻ

17. വാഗ്ഭടാനന്ദൻ ജനിച്ച വർഷം - 1885 ഏപ്രിൽ 27 

18. വാഗ്‌ഭടാനന്ദന്റെ ജന്മസ്ഥലം - പാട്യം, കണ്ണൂർ 

19. വാഗ്‌ഭടാനന്ദന്റെ ജന്മഗൃഹം - വയലേരിവീട് 

20. വാഗ്‌ഭടാനന്ദന്റെ പിതാവ് - കോരൻ ഗുരുക്കൾ 

21. വാഗ്‌ഭടാനന്ദന്റെ മാതാവ് - വയലേരി ചീരുവമ്മ 

22. വാഗ്‌ഭടാനന്ദന്റെ യഥാർത്ഥനാമം - വയലേരി കുഞ്ഞിക്കണ്ണൻ 

23. വാഗ്ഭടാനന്ദൻ അന്തരിച്ച വർഷം - 1939 ഒക്ടോബർ 29

24. 'വി.കെ. ഗുരുക്കൾ' (വയലേരി കുഞ്ഞിക്കണ്ണൻ ഗുരുക്കൾ) എന്നറിയപ്പെട്ടത് - വാഗ്ഭടാനന്ദൻ

25. വാഗ്‌ഭടാനന്ദന്റെ ഗുരു - ബ്രഹ്മാനന്ദ ശിവയോഗി

26. കോഴിക്കോട് ജില്ലയിലെ കാരപ്പറമ്പ് എന്ന സ്ഥലത്ത് വാഗ്‌ഭടാനന്ദൻ ആരംഭിച്ച സംസ്കൃത വിദ്യാലയം - തത്വപ്രകാശിക (1906)

27. രാജയോഗാനന്ദ കൗമുദി യോഗശാല സ്ഥാപിച്ച സ്ഥലം - കല്ലായി (കോഴിക്കോട്)

28. വാഗ്ഭടാനന്ദൻ ശ്രീനാരായണഗുരുവിനെ കണ്ടുമുട്ടിയ വർഷം - 1914 (ആലുവ അദ്വൈത ആശ്രമം)

29. ശിവയോഗ വിലാസം വാരിക കോഴിക്കോട് നിന്ന് ആരംഭിച്ച വർഷം - 1914

30. വാഗ്ഭടാനന്ദൻ തന്റെ സാമൂഹ്യ പ്രവർത്തനങ്ങൾക്ക് മാതൃകയായി തിരഞ്ഞെടുത്ത വ്യക്തി - രാജാറാം മോഹൻറോയ്

31. വാഗ്ഭടാനന്ദൻ പ്രചരിപ്പിച്ച ആരാധന രീതി - നിർഗുണോപാസന

32. വാഗ്ഭടാനന്ദൻ വിശ്വസിച്ചിരുന്ന ദർശനം - അദ്വൈത ദർശനം

33. കാവി ഉപേക്ഷിച്ച് ഖദർ അണിഞ്ഞ ഒരേയൊരു നവോത്ഥാന നായകൻ - വാഗ്ഭടാനന്ദൻ

34. വാഗ്ഭടാനന്ദൻ കോഴിക്കോട് വച്ച് പ്രീതി ഭോജനം സംഘടിപ്പിച്ച വർഷം - 1927

35. ശ്രീനാരായണ ഗുരു വിഗ്രഹപ്രതിഷ്ഠ ചെയ്യുന്നതിനോട് എതിർപ്പ് പ്രകടിപ്പിച്ച നവോത്ഥന നായകൻ - വാഗ്‌ഭടാനന്ദൻ

36. കാലക്രമേണ ബ്രഹ്മാനന്ദ ശിവയോഗിയുടെ വിമർശകനായി മാറിയ നവോത്ഥന നായകൻ - വാഗ്ഭടാനന്ദൻ

37. കമ്മ്യൂണൽ അവാർഡിനെതിരെ ഗാന്ധിജി നിരാഹാരം അനുഷ്‌ഠിച്ചപ്പോൾ 'ഗാന്ധിജിയുടെ ആത്മാവിനെ

38. രക്ഷിക്കൂ' എന്ന തലക്കെട്ടോടു കൂടി 1932-ൽ ലേഖനമെഴുതിയ വ്യക്തി - വാഗ്ഭടാനന്ദൻ

39. കൊട്ടിയൂർ ക്ഷേത്രത്തിൽ നിലനിൽക്കുന്ന ഇളനീരാട്ടം എന്ന ആചാരത്തിനെതിരെ വാദിച്ച നവോത്ഥാന നായകൻ - വാഗ്ഭടാനന്ദൻ

40. വാഗ്‌ഭടാനന്ദൻ 'യജമാനൻ' എന്ന മാസിക ആരംഭിച്ച വർഷം - 1939 (കോഴിക്കോട്)

41. സുകുമാർ അഴീക്കോടിന്റെ തത്വമസി എന്ന കൃതിയിൽ പരാമർശിക്കുന്ന നവോത്ഥാന നായകൻ - വാഗ്ഭടാനന്ദൻ

42. 'വാഗ്ഭടാനന്ദൻ ആർഷ സന്ന്യാസിയായിരുന്നു. ആചാര സന്ന്യാസി ആയിരുന്നില്ല' എന്ന് പറഞ്ഞത് - സുകുമാർ അഴീക്കോട്

43. ഊരാളുങ്കൽ ലേബർ കോ-ഓപ്പറേറ്റീവ് സൊസൈറ്റി സ്ഥാപിക്കുന്നതിന് നേതൃത്വം നൽകിയ നവോത്ഥാന നായകൻ - വാഗ്ഭടാനന്ദൻ 

44. ഇന്ത്യയിലെ ഏറ്റവും വലിയ ലേബർ കോൺട്രാക്റ്റ് സൊസൈറ്റി - ഊരാളുങ്കൽ ലേബർ കോ-ഓപ്പറേറ്റീവ് സൊസൈറ്റി

45. ആത്മവിദ്യാ മഹോത്സവം നടന്ന സ്ഥലം - പുന്നപ്ര (1932)

46. 'മലബാറിലെ നാരായണഗുരു' എന്നു വിശേഷിപ്പിക്കപ്പെട്ട വ്യക്തി - വാഗ്ഭടാനന്ദൻ