ദേശീയ ബാലാവകാശ സംരക്ഷണ കമ്മിഷൻ
2005-ൽ ഇന്ത്യൻ പാർലമെന്റ് പാസാക്കിയ 2005-ലെ ദേശീയ ബാലാവകാശ സംരക്ഷണ കമ്മീഷൻ നിയമ പ്രകാരം 2007-ൽ സ്ഥാപിതമായതാണ് ദേശീയ ബാലാവകാശ സംരക്ഷണ കമ്മീഷൻ. കുട്ടികളുടെ അവകാശ സംരക്ഷണത്തിനായുള്ള ഭരണഘടനയിലെ വ്യവസ്ഥകൾക്കും കുട്ടികളുടെ അവകാശങ്ങളെക്കുറിച്ചുള്ള ഐക്യരാഷ്ട്രസഭയുടെ പ്രഖ്യാപനത്തിനും അനുസൃതമായാണ് ഇത് രൂപീകരിച്ചത്. ഈ നിയമം അനുസരിച്ച്, കുട്ടികളുടെ പ്രായപരിധി 18 വയസ്സ് വരെയാണ്. കമ്മീഷൻ 2007 മാർച്ച് 5-ന് പ്രവർത്തനം ആരംഭിച്ചു. കുട്ടികളുടെ അവകാശങ്ങളുടെ ഫലപ്രദമായ സ്ഥാപനവും കുട്ടികൾക്കായുള്ള നിയമങ്ങളുടെയും പരിപാടികളുടെയും ശരിയായ നടത്തിപ്പുമാണ് കമ്മിഷന്റെ ലക്ഷ്യം. ചെയർമാൻ ഉൾപ്പെടെ ആറ് അംഗങ്ങളാണ് ഇതിൽ ഉള്ളത്. ഇതിന്റെ ആസ്ഥാനം ന്യൂഡൽഹിയിലാണ്.
PSC ചോദ്യങ്ങൾ
1. ദേശീയ ബാലാവകാശ സംരക്ഷണ കമ്മീഷൻ സ്ഥാപിതമായത് - 2007
2. ദേശീയ ബാലാവകാശ സംരക്ഷണ കമ്മീഷന്റെ അംഗങ്ങളുടെ എണ്ണം - ചെയർമാൻ ഉൾപ്പെടെ ആറ് അംഗങ്ങൾ
3. ദേശീയ ബാലാവകാശ സംരക്ഷണ കമ്മീഷന്റെ ആസ്ഥാനം - ന്യൂഡൽഹി
4. ദേശീയ ബാലാവകാശ സംരക്ഷണ കമ്മീഷന്റെ ആദ്യ അധ്യക്ഷ - ശാന്ത സിൻഹ (2007–2013)
