എം.ടി വാസുദേവൻ നായർ

എം.ടി വാസുദേവൻ നായർ (MT Vasudevan Nair in Malayalam)

പ്രശസ്ത നോവലിസ്റ്റ്, ഗംഭീര കഥാകാരൻ, പത്രപ്രവർത്തകൻ, സിനിമാ സംവിധായകൻ, തിരക്കഥാകൃത്ത് - ഈ വിശേഷണങ്ങളെല്ലാം ചേർത്തുവച്ചാൽ കിട്ടുന്നൊരു പേരുണ്ട്. അതാണ് എം.ടി. മാടത്തു തെക്കേപ്പാട്ട് വാസുദേവൻ നായർ എന്ന എം.ടി.വാസുദേവൻ നായർ പാലക്കാട് ജില്ലയിൽ പൊന്നാനി താലൂക്കിലെ കൂടല്ലൂർ എന്ന ഗ്രാമത്തിൽ 1933 ജൂലൈ 15നാണ് ജനിച്ചത്. പുന്നയൂർക്കുളം ടി.നാരായണൻ നായർ, അമ്മാളു അമ്മ എന്നിവരായിരുന്നു അച്ഛനമ്മമാർ. അവരുടെ നാല് ആൺമക്കളിൽ ഏറ്റവും ഇളയ ആളാണ് വാസുദേവൻ. അച്ഛന് ശ്രീലങ്കയിലായിരുന്നു ജോലി. അതിനാൽ അമ്മയുടെ സംരക്ഷണത്തിലാണ് കുട്ടിയായ എം.ടി വളർന്നത്. കൂടല്ലൂരിൽ അന്നുണ്ടായിരുന്ന കുടിപ്പള്ളിക്കൂടത്തിൽ എം.ടി പഠനം ആരംഭിച്ചു. കുടിപ്പള്ളിക്കൂടത്തിൽ നിന്ന് മലമക്കാവ് സ്കൂളിൽ ചേർന്ന് നാലാം ക്ലാസുവരെ പഠിച്ചു. അഞ്ചാം ക്ലാസ് മുതൽ എം.ടിയുടെ പഠനം കുമാരനെല്ലൂർ ഹൈസ്കൂളിലായിരുന്നു. 

1947ൽ പത്താംക്ലാസ് പാസാകുമ്പോൾ അദ്ദേഹത്തിന് പതിനാല് വയസ്സേ ഉണ്ടായിരുന്നുള്ളു. സ്കൂളിൽ പഠിക്കുന്ന കാലത്ത് ലേഖനങ്ങളിലും കവിതരചനയിലുമൊക്കെയായിരുന്നു അദ്ദേഹത്തിന് കമ്പം. 1948ൽ 'കേരളക്ഷേമം' ദ്വൈവാരികയിൽ പ്രസിദ്ധീകരിച്ച ലേഖനമാണ് അച്ചടിക്കപ്പെട്ട ആദ്യ രചന. അക്കൊല്ലം തന്നെ ആദ്യമായി ഒരു ചെറുകഥയും അച്ചടിച്ചുവന്നു. 'ചിത്രകേരളം' മാസികയിൽ വന്ന 'വിഷുവാഘോഷം' ആണത്. പാലക്കാട് വിക്ടോറിയ കോളേജിൽ ഉപരിപഠനത്തിനു ചേർന്ന എം.ടി 1953ൽ ഫസ്റ്റ് ക്ലാസ്സോടെ രസതന്ത്രത്തിൽ ബിരുദം നേടി. 1952 ൽ ബിരുദപഠനകാലത്തു തന്നെ ആദ്യ ചെറുകഥാ സമാഹാരമായ 'രക്തം പുരണ്ട മൺതരികൾ' പുറത്തുവന്നു. 1954-55 കാലയളവിൽ ആദ്യനോവലായ 'പാതിരാവും പകൽവെളിച്ചവും' പ്രസിദ്ധീകരിക്കുകയും ചെയ്തു. എന്നാൽ പുസ്തകരൂപത്തിൽ ആദ്യം പുറത്തുവന്ന നോവൽ 'നാലുകെട്ട്' ആണ്. 1954 മുതൽ അധ്യാപകനായും ഗ്രാമസേവകനായും ഒക്കെ ജോലി നോക്കിയ എം.ടി 1957ൽ മാതൃഭൂമി ആഴ്ചപ്പതിപ്പിൽ സഹപത്രാധിപരായി. 1981ൽ ജോലി രാജിവച്ച അദ്ദേഹം 1989ൽ വീണ്ടും മാതൃഭൂമിയിലെത്തി. 1999വരെ അവിടെ തുടർന്നു. 1992 മുതൽ തുഞ്ചൻ സ്മാരക സമിതി ചെയർമാനായ എം.ടി കേരള സാഹിത്യ അക്കാദമി പ്രസിഡന്റായും പ്രവർത്തിച്ചിട്ടുണ്ട്.

പഠനം, യാത്രാവിവരണം, ബാലസാഹിത്യം, ഉപന്യാസം, നാടകം, തിരക്കഥ, സംവിധാനം എന്നിങ്ങനെ ഒട്ടേറെ മേഖലകളിൽ കഴിവ് തെളിയിച്ച വ്യക്തിയാണ് അദ്ദേഹം. പതിനെട്ടിലേറെ സമാഹാരങ്ങളിലായി ഒട്ടേറെ ചെറുകഥകളും എട്ടിലധികം നോവലുകളും എം.ടി പ്രസിദ്ധീകരിച്ചിട്ടുണ്ട്. ഒരു നാടകവും രണ്ട് ഉപന്യാസങ്ങളും മൂന്നു ബാലസാഹിത്യരചനകളും പഠനങ്ങളും യാത്രാവിവരണങ്ങളുമൊക്കെയായി വേറെയും കൃതികൾ അദ്ദേഹത്തിൽനിന്ന് മലയാളസാഹിത്യത്തിന് ലഭിച്ചു. കൂടാതെ അമ്പത്തിയഞ്ചോളം സിനിമകൾക്ക് തിരക്കഥയൊരുക്കുകയും ഏഴ് സിനിമകൾ സംവിധാനം ചെയ്യുകയും ചെയ്തു. 

പ്രധാന കൃതികൾ

■ പെരുന്തച്ചൻ (തിരക്കഥ)

■ തന്ത്രക്കാരി (ബാലസാഹിത്യം)

■ മാണിക്യക്കല്ല് (ബാലസാഹിത്യം)

■ ദയ എന്ന പെൺകുട്ടി (ബാലസാഹിത്യം)

■ പരിണയം (തിരക്കഥ)

■ വൻകടലിലെ തുഴവള്ളക്കാർ

■ സ്നേഹാദരങ്ങളോടെ

■ രമണീയം ഒരു കാലം

■ ഓളവും തീരവും (ചെറുകഥാസമാഹാരം)

■ പതനം (ചെറുകഥാസമാഹാരം)

■ വാരിക്കുഴി (ചെറുകഥാസമാഹാരം)

■ രക്തം പുരണ്ട മൺതരികൾ (ചെറുകഥാസമാഹാരം)

■ അമ്മയ്ക്ക്

■ ആൾക്കൂട്ടത്തിൽ തനിയെ (തിരക്കഥ)

■ കണ്ണാന്തളിപ്പൂക്കളുടെ കാലം

■ അസുരവിത്ത് (നോവൽ)

■ വാരാണസി (നോവൽ)

■ രണ്ടാമൂഴം (നോവൽ)

■ കാലം (നോവൽ)

■ ഇരുട്ടിന്റെ ആത്മാവ് (ചെറുകഥാസമാഹാരം)

■ കളിവീട് (ചെറുകഥാസമാഹാരം)

■ ഡാർ-എസ്-സലാം (ചെറുകഥാസമാഹാരം)

■ മഞ്ഞ് (നോവൽ)

■ ബന്ധനം (ചെറുകഥാസമാഹാരം)

■ ഗോപുരനടയിൽ

■ സുകൃതം (തിരക്കഥ)

■ എന്ന് സ്വന്തം ജാനകിക്കുട്ടി (തിരക്കഥ)

■ വാക്കുകളുടെ വിസ്മയം

■ വാനപ്രസ്ഥം (ചെറുകഥാസമാഹാരം)

■ സ്വർഗം തുറക്കുന്ന സമയം (ചെറുകഥാസമാഹാരം)

■ വിലാപയാത്ര (നോവൽ)

■ ഷെർലക്ക് (ചെറുകഥാസമാഹാരം)

■ നാലുകെട്ട് (നോവൽ)

■ ഒരു ചെറുപുഞ്ചിരി

■ കാഥികന്റെ പണിപ്പുര

■ അറബിപ്പൊന്ന്

■ നിന്റെ ഓർമയ്ക്ക് (ചെറുകഥാസമാഹാരം)

■ പാതിരാവും പകൽവെളിച്ചവും (നോവൽ)

■ കിളിവാതിലിലൂടെ

■ വേദനയുടെ പൂക്കൾ (ചെറുകഥാസമാഹാരം)

■ നഷ്ടപെട്ട ദിനങ്ങൾ (ചെറുകഥാസമാഹാരം)

■ എം.ടിയുടെ തിരഞ്ഞെടുത്ത കഥകൾ (ചെറുകഥാസമാഹാരം)

■ അജ്ഞാതന്റെ ഉയരാത്ത സ്‌മാരകം (ചെറുകഥാസമാഹാരം)

■ അഭയം തേടി വീണ്ടും (ചെറുകഥാസമാഹാരം)

കഥാപാത്രങ്ങളും കൃതികളും

■ അപ്പുണ്ണി - നാലുകെട്ട്

■ അപ്പു - ഓപ്പോൾ

■ വിമല - മഞ്ഞ്

■ ഗോവിന്ദൻകുട്ടി - അസുരവിത്ത്

■ സേതു - കാലം

■ ഭ്രാന്തൻ വേലായുധൻ - ഇരുട്ടിന്റെ ആത്മാവ്

പുരസ്‌കാരങ്ങൾ

■ കേരള സാഹിത്യ അക്കാദമി അവാർഡ് (1958, 1982, 1986)

■ കേന്ദ്ര സാഹിത്യ അക്കാദമി അവാർഡ് (1970)

■ വയലാർ അവാർഡ് (1984)

■ ജ്ഞാനപീഠം (1995)

■ പത്മഭൂഷൺ (2005)

■ എഴുത്തച്ഛൻ പുരസ്കാരം (2011)

■ കേരള സാഹിത്യ അക്കാദമി ഫെല്ലോഷിപ്പ് (2005)

■ കേന്ദ്ര സാഹിത്യ അക്കാദമി ഫെല്ലോഷിപ്പ് (2013)

■ ജെ.സി. ദാനിയേൽ അവാർഡ് (2013)

■ മികച്ച ചലച്ചിത്രത്തിനുള്ള ദേശീയ അവാർഡ് (1973, നിർമ്മാല്യം)

■ മികച്ച തിരക്കഥക്കുള്ള ദേശീയ അവാർഡ് (1990, 1992, 1993, 1995)

■ മുട്ടത്തുവർക്കി അവാർഡ് (1994)

■ ഓടക്കുഴൽ അവാർഡ് (1993)

■ എൻ.പി.സ്‌മാരക പുരസ്‌കാരം

■ എം.പി.പോൾ അവാർഡ്

■ ദുബായ് ലിറ്റററി അവാർഡ്

■ ബർലിൻ കേരള സമാജം അവാർഡ്

ആവർത്തിക്കുന്ന ചോദ്യങ്ങൾ

1. പ്രിയപ്പെട്ടവരേ 'തിരിച്ചുവരാൻ വേണ്ടി യാത്രയാരംഭിക്കുന്നു' എന്ന വരികളോടെ അവസാനിക്കുന്ന പ്രമുഖ മലയാള നോവൽ ഏത്? - അസുരവിത്ത്

2. തകരുന്ന നാലുകെട്ടുകളുടെ നെടുവീർപ്പുകളും ഗതകാല ഗ്രാമീണ സൗഭാഗ്യങ്ങളെ ഓർത്തുള്ള വ്യാകുലതകളും ചാരുതയാർന്ന ഭാഷയിൽ അനുഭവവേദ്യമാക്കിത്തരുന്ന മലയാളത്തിലെ ഒരു പ്രമുഖ നോവലിസ്റ്റ് ആര്? - എം.ടി വാസുദേവൻ നായർ

3. കുട്ട്യേടത്തി, നിന്റെ ഓർമയ്ക്ക്, ഇരുട്ടിന്റെ ആത്മാവ് എന്നീ ചെറുകഥകൾ എഴുതിയത് ആര്? - എം.ടി

4. 'പെരുമഴയുടെ പിറ്റേന്ന്' എന്ന ചെറുകഥയുടെ കർത്താവാര്? - എം.ടി

5. ബന്ധനം, വാനപ്രസ്ഥം എന്നീ ചെറുകഥകൾ എഴുതിയതാര്? - എം.ടി

6. എം.ടി വാസുദേവൻ നായർ രചിച്ച യാത്രവിവരണ ഗ്രന്ഥം ഏത്? ആൾക്കൂട്ടത്തിൽ തനിയെ

7. 'മനുഷ്യർ നിഴലുകൾ' എന്ന കൃതിയുടെ കർത്താവ് - എം.ടി.വാസുദേവൻ നായർ

8. 'സിനിക്' എന്നറിയപ്പെടുന്നത് - എം.ടി

9. 1995-ലെ ജ്ഞാനപീഠ പുരസ്‌കാരം ലഭിച്ചതാർക്ക് - എം.ടി

10. എം.ടിയ്ക്ക് ഓടക്കുഴൽ അവാർഡ് നേടിക്കൊടുത്ത കൃതി - വാനപ്രസ്ഥം

11. 2005-ൽ വള്ളത്തോൾ പുരസ്‌കാരം ലഭിച്ചതാർക്ക് - എം.ടി

12. രാഷ്ട്രപതിയുടെ സ്വർണ്ണ മെഡൽ നേടിയ മൂന്നാമത്തെ മലയാള ചലച്ചിത്രമേത് - നിർമ്മാല്യം (1973-ൽ) 

13. നാലുകെട്ട് എന്ന മലയാളം സീരിയലിന്റെ സംവിധായകൻ ആര്? - എം.ടി

14. 1996-ൽ സംസ്ഥാന സർക്കാരിന്റെ എട്ട്‌ അവാർഡുകൾ നേടിയ മലയാള സീരിയൽ ഏത്? - നാലുകെട്ട്

15. ഒരു കഥ എഴുതിക്കഴിഞ്ഞപ്പോൾ മാത്രമേ ഞാന്‍ കരഞ്ഞിട്ടുള്ളൂ. അതാണ്‌ 'നിന്റെ ഓര്‍മ്മയ്ക്ക്‌' - ആര് പറഞ്ഞതാണിത്‌ - എം.ടി. വാസുദേവന്‍ നായര്‍

16. എം.ടി. വാസുദേവന്‍ നായരും എന്‍.പി. മുഹമ്മദും ചേര്‍ന്നെഴുതിയ നോവല്‍ - അറബിപ്പൊന്ന്‌

17. മികച്ച ചിത്രത്തിനുള്ള 1974 ദേശീയ അവാർഡിനും മികച്ച നടനുള്ള ഭരത് അവാർഡും (പി.ജെ ആന്‍റണി) നേടിയ നിർമ്മാല്യം എന്ന സിനിമ സംവിധാനം ചെയ്തതാര് - എം ടി വാസുദേവൻ നായർ

18. കേന്ദ്രസാഹിത്യ അക്കാദമി അവാർഡ് (1970) നേടിയ ‘കാലം’ എന്ന നോവലെഴുതിയത് - എം ടി വാസുദേവൻ നായർ

19. മലയാളത്തിലെ പ്രശസ്തനായ ഒരു സാഹിത്യകാരൻ രചിച്ച ഒരേയൊരു നാടകത്തിന്‍റെ  പേരാണ് ഗോപുരനടയിൽ ആരാണദ്ദേഹം - എം.ടി.വാസുദേവൻ നായർ (കേരള സാഹിത്യ അക്കാദമി അവാർഡ് നേടിയ കൃതി)

20. തിരക്കഥയ്ക്ക് നാലു പ്രാവശ്യം (ഒരു വടക്കൻ വീരഗാഥ, കടവ്, സദയം, പരിണയം) ദേശീയ അവാർഡിനർഹനായ മലയാളി - എം.ടി.വാസുദേവൻ നായർ

21. ഒരു വടക്കൻ വീരഗാഥ, കേരളവർമ്മ പഴശ്ശിരാജ എന്നീ ചിത്രങ്ങൾക്ക് തിരക്കഥ  എഴുതിയതാര് - എം.ടി.വാസുദേവൻ നായർ

22. തകരുന്ന സാമൂഹിക സ്ഥാപനങ്ങളും വ്യക്തിയുടെ ഏകാന്തതയും പ്രമേയമാക്കിയ മലയാള സാഹിത്യകാരൻ - എം ടി വാസുദേവൻ

23. നിളയുടെ കഥാകാരൻ എന്നറിയപ്പെടുന്നത് - എം.ടി.വാസുദേവൻ

24. ആരുടെ മാസ്റ്റർപീസാണ് രണ്ടാമൂഴം - എം.ടിയുടെ

25. 1953-ൽ ലോക ചെറുകഥാ മൽസരത്തിൽ ഒന്നാം സ്ഥാനം നേടിയ വളർത്തുമൃഗങ്ങൾ എന്ന കഥയെഴുതിയതാര് - എം.ടി

26. 1996-ൽ കാലിക്കറ്റ് സർവ്വകലാശാല ഡോക്ടറേറ്റ് നൽകി ആദരിച്ച ജ്ഞാനപീഠ ജേതാവ് - എം.ടി

27. 1975 മുതൽ 1994 വരെ സാഹിത്യത്തിന് നൽകിയ സമഗ്ര സംഭാവനകൾ പരിഗണിച്ച് 1995 ലെ ജ്ഞാനപീഠം ആർക്കാണ് നൽകിയത് - എം.ടിക്ക്

28. ആരുടെ തൂലികാ നാമമാണ് എം.ടി - എം ടി വാസുദേവൻ നായരുടെ

29. സേതു എന്ന കഥാപാത്രം ആരുടെ സൃഷ്ടിയാണ് - എം ടിയുടെ

30. നാലുകെട്ട് എന്ന നോവലെഴുതിയതാര് - എം ടി

31. കൂടല്ലൂരിന്‍റെ കഥാകാരൻ എന്നറിയപ്പെടുന്നത് - എം ടി

32. ആൾക്കൂട്ടത്തിൽ തനിയെ എന്ന യാത്രാവിവരണം രചിച്ച ജ്ഞാനപീഠ ജേതാവ് - എം ടി

33. മഹാഭാരതത്തിലെ ഭീമനെ കേന്ദ്രകഥാപാത്രമാക്കി മലയാളത്തിൽ രണ്ടാമൂഴം എന്ന അതിപ്രശസ്തമായ നോവലെഴുതിയതാര് - എം ടി വാസുദേവൻ നായർ

34. ദയ എന്ന പെൺകുട്ടി എന്ന ബാലസാഹിത്യകൃതി എഴുതിയതാര് - എം ടി വാസുദേവൻ നായർ

35. കേരള സാഹിത്യ അക്കാദമിയുടെ അധ്യക്ഷസ്ഥാനവും മാതൃഭൂമി ആഴ്ചപതിപ്പിന്‍റെ പത്രാധിപസ്ഥാനവും വഹിച്ചിട്ടുള്ള ജ്ഞാനപീഠ ജേതാവ് - എം ടി വാസുദേവൻ നായർ

36. മലയാളത്തിലെ തിരക്കഥയെ ഒരു സാഹിത്യശാഖയായി വികസിപ്പിച്ചതിൽ സുപ്രധാന പങ്കു വഹിച്ച എഴുത്തുകാരൻ - എം ടി

37. 1991ലെ മികച്ച മലയാള ചിത്രത്തിനും തിരക്കഥയ്ക്കുമുള്ള ദേശീയ അവാർഡ് നേടിയ കടവ് സംവിധാനം ചെയ്തത് - എം ടി

38. കേരള ഹെമിങ് വേ എന്നു വിശേഷിപ്പിക്കുന്നതാരെയാണ് - എം ടി വാസുദേവൻ നായരെ

39. മഹാഭാരതത്തിലെ ഭീമന്റെ വിചാരങ്ങൾ അവതരിപ്പിക്കുന്ന എം.ടി.യുടെ കൃതി - രണ്ടാമൂഴം

40. എം.ടി.വാസുദേവൻ നായരുടെ രണ്ടാമൂഴം എന്ന നോവലിന്റെ മൂലകഥ സ്വീകരിച്ചിരിക്കുന്നത് ഏതിൽനിന്നാണ് - മഹാഭാരതം

41. ഏത് ആഴ്ചപ്പതിപ്പിന്റെ പത്രധിപരായിട്ടാണ് എം ടി ദീർഘകാലം സേവനമനുഷ്ഠിച്ചത് - മാതൃഭൂമി

42. കേരള സർക്കാർ ഔദ്യോഗിക ഭാഷ പ്രതിജ്ഞയായി അംഗീകരിച്ചത് ആരുടെ വരികളാണ് - എം.ടി വാസുദേവൻ നായർ ("മലയാളം ആണ് എന്റെ ഭാഷ. എന്റെ ഭാഷ, എന്റെ വീടാണ്..." എന്നാരംഭിക്കുന്ന വരികൾ)