സോക്രട്ടീസ്

സോക്രട്ടീസ് (Socrates)

ജനനം : ബി. സി. 470

മരണം : ബി. സി. 399

ഏഥൻസിലെ ഒരു സാധാരണകുടുംബത്തിലാണ് സോക്രട്ടീസിന്റെ ജനനം. ഗ്രീക്ക് തത്വചിന്തയുടെ ആചാര്യനാണ് സോക്രട്ടീസ്. പ്ലേറ്റോ, അരിസ്റ്റോട്ടിൽ തുടങ്ങിയ തത്ത്വചിന്തകർ സോക്രട്ടീസിന്റെ ചിന്താസരണികളിലൂടെയാണ് വളർന്നത്. ഏഥൻസിന്റെ സൈന്യത്തിൽ ചേർന്ന സോക്രട്ടീസ് നിരവധി യുദ്ധങ്ങളിൽ പങ്കെടുത്തിട്ടുണ്ട്. സോക്രട്ടീസിന്റെ കുടുംബജീവിതം വളരെ ദുരിതപൂർണ്ണമായിരുന്നു. ബഹുദൈവവിശ്വാസത്തിനെതിരായിരുന്നതിനാൽ യുവാക്കളെ ദേവന്മാർക്കെതിരെ തിരിച്ചുവെന്ന കുറ്റം ശത്രുക്കൾ അദ്ദേഹത്തിന്റെമേൽ ചുമത്തി 'ഹെംലക്ക്' എന്ന വിഷദ്രാവകം കഴിച്ചു മരിക്കണമെന്ന് ശിക്ഷവിധിച്ചു. വാദഗതികൾ പിൻവലിച്ച് രക്ഷപ്പെടാനുള്ള മാർഗ്ഗം സുഹൃത്തുക്കൾ നിർദ്ദേശിച്ചിട്ടും സത്യമായ തന്റെ ആദർശങ്ങൾക്കുവേണ്ടി മരണം ഏറ്റുവാങ്ങാൻ അദ്ദേഹം തീരുമാനിച്ചു.

സോക്രട്ടീസ് ജീവ ചരിത്രം

പുരാതന ഗ്രീസിലെ ലോകപ്രസിദ്ധനായ തത്വചിന്തകനായിരുന്നു സോക്രട്ടീസ്‌. ഗ്രീക്ക്‌ തത്വചിന്തയുടെ ഉദയം സോക്രട്ടീസില്‍ നിന്നുമായിരുന്നു. ബി.സി. 470-ല്‍ മെഡിറ്ററേനിയന്‍ കടലിന്‌ വടക്കുകിഴക്കുള്ള ഗ്രീസിലെ ഏഥന്‍സിലാണ്‌ സോക്രട്ടീസ്‌ ജനിച്ചത്‌. പരമ്പരാഗത രീതിയിലുള്ള വിദ്യാഭ്യാസത്തിനു ശേഷം ജ്യോതിശാസ്ത്രം, ജ്യാമിതി, ഗ്രീക്ക്‌ ചിന്തകളുടെ ആശയങ്ങള്‍ തുടങ്ങിയവ പഠിച്ചു. സാന്തിപ്പെ എന്ന യുവതിയെ വിവാഹം കഴിച്ചുവെങ്കിലും ദാമ്പത്യജീവിതം അദ്ദേഹത്തിന്‌ സന്തോഷപ്രദമായിരുന്നില്ല. ആദ്യമൊക്കെ സോക്രട്ടീസിനെ പലരും അരക്കിറുക്കനാക്കി കളിയാക്കിയെങ്കിലും, അദ്ദേഹത്തിന്റെ ജ്ഞാനത്തെക്കുറിച്ച്‌ അടുത്തറിഞ്ഞവര്‍ അത്ഭുതപ്പെട്ടു. അദ്ദേഹത്തിന്റെ ജ്ഞാനം അപാരമാണെന്ന്‌ ജനങ്ങള്‍ മനസ്സിലാക്കി.

നിലവിലുള്ള രാജാവിനെയോ, വ്യവസ്ഥിതിയെയോ, നിയമത്തിനെയോ ഒന്നും അദ്ദേഹം വകവച്ചിരുന്നില്ല. ദീര്‍ഘകാലമായി ഏഥന്‍സും മറ്റൊരു നഗരരാഷ്ട്രമായ സ്പാര്‍ട്ടയും തമ്മില്‍ നടന്ന യുദ്ധവും, പെരിക്സിസിന്റെ മരണവും, എഥന്‍സിനെ ക്ഷീണിപ്പിച്ചു. തുടര്‍ന്ന്‌ ഏഥന്‍സിലെ ഭരണവ്യവസ്ഥ താറുമാറായി. ബി സി 402 ല്‍ സ്പാര്‍ട്ടക്കാർ ഏഥന്‍സിനുമേല്‍ ഒരു ഭരണസമിതിയെ ഭരണം എല്‍പ്പിച്ചു. 30 ഏകാധിപതികള്‍ എന്നാണ്‌ അവര്‍ അറിയപ്പെട്ടിരുന്നത്‌. ആ അനിശ്ചിത ഘട്ടത്തിലായിരുന്നു സോക്രട്ടീസ്‌ അവിടെ ജീവിച്ചത്‌. ഏഥൻസ്‌ നടത്തിയ യുദ്ധങ്ങളില്‍ അദ്ദേഹവും പങ്കെടുത്തു. ബി.സി. 406-ല്‍ എഥന്‍സിലെ സെനറ്റില്‍ സോക്രട്ടീസും അംഗമായി. 500 പേരുള്ള സെനറ്റില്‍ ഒറ്റയ്ക്ക്‌ നിന്നുപോലും സത്യത്തിന്‌ വേണ്ടി അദ്ദേഹം വാദിച്ചു. സത്യം പറയുക, അതാണ്‌ ധൈര്യം എന്ന്‌ അദ്ദേഹം വിശ്വസിച്ചിരുന്നു.

തത്വശാസ്ത്രത്തിലുള്ള ഭ്രമം നിമിത്തം അദ്ദേഹം രാഷ്ട്രീയം ഉപേക്ഷിച്ചു. അധികമൊന്നും സോക്രട്ടീസ്‌ എഴുതിയില്ല. എല്ലാം ശിഷ്യന്മാരാണ്‌ എഴുതിവെച്ചത്‌. സിനോഫോണ്‍, പ്ലേറ്റോ എന്നീ ശിഷ്യന്മാരാണ്‌ അദ്ദേഹം പറഞ്ഞതെല്ലാം എഴുതിയത്‌. സത്യത്തില്‍ മാത്രം വിശ്വസിക്കുന്ന അദ്ദേഹം അപകടകാരിയാണെന്ന്‌ ഗ്രീക്ക്‌ ഭരണാധികാരികള്‍ക്ക്‌ തോന്നി. അബദ്ധങ്ങള്‍ ചെയ്ത്‌ യുവാക്കളെ വഴിപിഴപ്പിക്കുന്നുവെന്ന്‌ അവര്‍ പ്രചരിപ്പിച്ചു. സോക്രട്ടീസിനെ വിചാരണ ചെയ്യുവാന്‍ അവര്‍ തീരുമാനിച്ചു. അതിന്‌ സോക്രട്ടീസ്‌ പറഞ്ഞ മറുപടി പ്ലേറ്റോ പ്രസിദ്ധപ്പെടുത്തിയിട്ടുണ്ട്‌. അനീതിക്കെതിരെയുള്ള ലോകപ്രസിദ്ധമായ രേഖയാണത്‌.

അവസാനം സോക്രട്ടീസിനെ വധിക്കുവാന്‍ വന്ന പ്രമേയം നേരിയ ഭൂരിപക്ഷത്തോടെ പാസ്സായി. മാപ്പുപറഞ്ഞ്‌ രക്ഷപ്പെടാൻ അദ്ദേഹം തയ്യാറായില്ല. സത്യത്തിനുവേണ്ടി മരിക്കുവാനും അദ്ദേഹം തയ്യാറായി. കൂട്ടുകാരും ശിഷ്യന്മാരും ജയിൽ ചാടി രക്ഷപ്പെടുവാൻ സൗകര്യം ഉണ്ടാക്കികൊടുത്തുവെങ്കിലും അദ്ദേഹം തയ്യാറായില്ല. അവസാനം ജയില്‍ അധികാരികള്‍ കൊടുത്ത വിഷം സന്തോഷത്തോടെ കഴിച്ച്‌ അദ്ദേഹം മരിച്ചു. പ്ലേറ്റോ എഴുതിയ കുതികളിലാണ്‌ സോക്രട്ടീസിന്റെ ആശയങ്ങള്‍ രേപ്പെടുത്തിയിട്ടുള്ളത്‌. അവയില്‍ പ്രധാനമാണ്‌ പ്ലേറ്റോയുടെ 'അപ്പോളജി' എന്ന കൃതി.

ആവർത്തിക്കുന്ന ചോദ്യങ്ങൾ

1. പ്ലേറ്റോയുടെ ഗുരു - സോക്രട്ടീസ്

2. "പരീക്ഷിക്കപ്പെടാത്ത ജീവിതത്തിന്‌ വിലയില്ല". ഇതാരുടെ അഭിപ്രായമാണ്‌? - സോക്രട്ടീസിന്റെ

3. "ക്രിറ്റോ, ഞാൻ അസ്‌ക്ലിപിസ്സില്‍ നിന്നും ഒരു പൂവങ്കോഴിയെ കടം വാങ്ങിയിരുന്നു. ആ കടം മടക്കിക്കൊടുക്കുവാന്‍ നീ ഓര്‍ക്കുമോ”? ആരുടെ മരണവാക്കുകളായിരുന്നു ഇത്‌? - സോക്രട്ടീസ്സിന്റെ

4. ഗ്രീക്കിൽ ഏറ്റവും കൂടുതൽ അറിയപ്പെടുന്ന പുരാതന തത്ത്വചിന്തകന്മാർ ആരെല്ലാം? - സോക്രട്ടീസ്, പ്ലേറ്റോ, അരിസ്റ്റോട്ടിൽ

5. ഗ്രീക്കിലെ പുരാതന തത്ത്വചിന്തകന്മാർ ജീവിച്ചിരുന്ന കാലഘട്ടമെപ്പോഴായിരുന്നു? - ബി.സി 400 കളിലും 300 കളിലും

6. ആദ്യത്തെ ഗ്രീക്ക് തത്ത്വചിന്തകന്മാർ ഏത് പേരിലറിയപ്പെടുന്നു? - പ്രീ-സോക്രട്ടീസ്

7. പ്രീ-സോക്രട്ടീസുകൾ ജീവിച്ചിരുന്ന കാലഘട്ടം - ഏകദേശം ബി.സി. 469

8. സോക്രട്ടീസ് ജീവിച്ചിരുന്നതെവിടെയായിരുന്നു? - ഏഥൻസ്

9. സോക്രട്ടീസിന്റെ പ്രവർത്തന രീതികൾ ഏത് പേരിലറിയപ്പെടുന്നു? - സോക്രട്ടിക് മെത്തേഡ്

10. സോക്രട്ടീസിന്റെ പ്രശസ്‌ത ശിഷ്യനാര്? - പ്ലേറ്റോ

11. സോക്രട്ടീസ് ഏത് കാലഘട്ടത്തിൽ ജീവിച്ചിരുന്നു? - ബി.സി 470 - ബി.സി 399

12. സോക്രട്ടീസിനെ വധിച്ചതെങ്ങനെ? എപ്പോഴായിരുന്നു? - വിഷം കൊടുത്തു കൊന്നു, ബി.സി 399-ൽ

13. സോക്രട്ടീസിന്റെ ഭാര്യയാര്? - സാൻഥിപി

14. സോക്രട്ടീസിന്റെ തത്ത്വങ്ങളെക്കുറിച്ച് പര്യവേഷണം നടത്തിയതാര്? - ഗ്രീക്ക് എഴുത്തുകാർ

15. മരണ സമയത്ത് സോക്രട്ടീസിന്റെ മുഖത്ത് പ്രകടമായ ശാന്തഭാവവും അദ്ദേഹം വിഷം കുടിക്കുന്നതും പ്ലേറ്റോയുടെ ഏത് ഡയലോഗിൽ വിശദീകരിച്ചിരിക്കുന്നു? - ഫായ്ഡോ

16. ശരീരവും ആത്മാവും തമ്മിൽ സ്പഷ്ടമായൊരു വ്യത്യാസം കല്പിക്കുകയും ആത്മാവിന് ഉയർന്ന സ്ഥാനം കല്പിക്കുകയും ചെയ്ത ആദ്യത്തെ തത്ത്വചിന്തകനാര്? - സോക്രട്ടീസ്