മിസൈലുകൾ
ചൈനക്കാരാണ് ആദ്യം റോക്കറ്റുകൾ ഉപയോഗിച്ചത്. ഇന്ത്യയിൽ ടിപ്പുസുൽത്താനാണ് ബ്രിട്ടീഷുകാർക്കെതിരെയുള്ള യുദ്ധങ്ങളിൽ മിസൈലുകൾ ഉപയോഗിച്ചത്. സ്വാതന്ത്ര്യത്തിനു ശേഷം രാജ്യത്തിന്റെ സുരക്ഷയ്ക്കായി പുതിയ സാങ്കേതിക വിദ്യകൾ നേടിയെടുക്കേണ്ടതുണ്ടെന്ന ചിന്തയുടെ ഭാഗമായി ഇന്ത്യയും ഇത്തരം ഗവേഷണങ്ങൾ ആരംഭിച്ചു.
സാങ്കേതികവിദ്യകൾ ഉപയോഗിച്ച് ഒരു പ്രത്യേക ലക്ഷ്യത്തെ തകർക്കാനായി നിർമ്മിക്കുന്ന ശക്തമായി പൊട്ടിത്തെറിക്കുന്ന ആയുധങ്ങളാണ് മിസൈലുകൾ. ബാലിസ്റ്റിക് മിസൈലുകൾ, ക്രൂയിസ് മിസൈലുകൾ, ആന്റി ഷിപ്പ് മിസൈലുകൾ, ആന്റി ടാങ്ക് മിസൈലുകൾ എന്നിവ പലതരം മിസൈലുകൾക്ക് ഉദാഹരണങ്ങളാണ്. വിക്ഷേപിക്കുന്ന പ്രതലത്തിന്റെ അടിസ്ഥാനത്തിൽ മിസൈലുകളെ പ്രധാനമായും രണ്ടായി തരംതിരിക്കാം - സർഫസ് ടു സർഫസ്, സർഫസ് ടു എയർ.
ഇന്ത്യൻ മിസൈലുകൾ
പൃഥ്വി (Prithvi)
ഭൂതല ഹ്രസ്വദൂര ബാലിസ്റ്റിക് മിസൈലുകളാണ് പൃഥ്വി. ഇന്റഗ്രേറ്റഡ് ഗൈഡഡ് മിസൈൽ ഡവലപ്മെന്റ് പ്രോഗ്രാമിന് കീഴിൽ (DRDO) വികസിപ്പിച്ചെടുത്തതാണിത്. ഇന്ത്യ തദ്ദേശീയമായി വികസിപ്പിച്ചെടുത്ത ആദ്യമിസൈലാണ് പൃഥ്വി. 150 കി.മീ മുതൽ 350 കി.മീ വരെ ദൂരപരിധിയുള്ള വ്യത്യസ്ത പൃഥ്വി മിസൈലുകൾ കര, വ്യോമ നാവിക സേനകൾ ഉപയോഗിക്കുന്നു. കപ്പലിൽ നിന്ന് വിക്ഷേപിക്കാൻ കഴിയുന്ന പൃഥ്വി മിസൈലാണ് ധനുഷ്.
അഗ്നി
ഡി.ആർ.ഡി.ഒ വികസിപ്പിച്ചെടുത്തതും വ്യത്യസ്ത ദൂരപരിധികളുള്ളതുമായ മിസൈലാണ് അഗ്നി.
അഗ്നി മിസൈൽ (ദൂര പരിധി)
◆ അഗ്നി I - 700-1250 കി.മീ
◆ അഗ്നി II - 2000-2500 കി.മീ
◆ അഗ്നി III - 3000-3500 കി.മീ
◆ അഗ്നി IV - 3000-4000 കി.മീ
◆ അഗ്നി V - 5000-8000 കി.മീ
◆ അഗ്നി VI - 8000-10000 കി.മീ
ആകാശ്
ഇന്ത്യ തദ്ദേശീയമായി വികസിപ്പിച്ച ഭൂതല-വ്യോമ മിസൈൽ ആണിത്. 30 കി.മീ ദൂരപരിധിയുള്ള ഈ മിസൈലിന് 18 കി.മീ ഉയരത്തിൽ പറക്കുന്ന വിമാനങ്ങളെ ലക്ഷ്യം വെയ്ക്കാൻ കഴിയും.
നാഗ്
ഇന്ത്യ വികസിപ്പിച്ചെടുത്ത ടാങ്ക് വേധ മിസൈലാണ് നാഗ്. ഏതു കാലാവസ്ഥയിലും ഉപയോഗിക്കാവുന്നതും തീവ്ര അക്രമണശേഷിയുള്ളതുമായ ഈ മിസൈലിന് 37 കി.മീ പരിധിയുണ്ട്.
ത്രിശൂൽ
ഹ്രസ്വദൂര ഭൂതല - വ്യോമ മിസൈൽ. താഴ്ന്നു പറക്കുന്ന ശത്രു വിമാനങ്ങളെയും മറ്റും തകർക്കാൻ ഇതിനു കഴിയും. 9 കി.മീ പരിധിയുള്ളതാണ് ത്രിശൂൽ.
ശൗര്യ
ഹ്രസ്വദൂര ഭൂതല-ഭൂതല ബാലിസ്റ്റിക് മിസൈൽ. 600 കി.മീ ദൂരപരിധിയുള്ള ഈ മിസൈലിന് ഹൈപ്പർ സോണിക് സ്പീഡിൽ സഞ്ചരിക്കാൻ സാധിക്കും.
അസ്ത്ര
ഇന്ത്യൻ വ്യോമസേനയ്ക്കുവേണ്ടി നിർമ്മിക്കപ്പെട്ട വ്യോമ-വ്യോമ മിസൈലാണിത്. ദൃശ്യപരിധിക്കപ്പുറമുള്ള വ്യോമ ലക്ഷ്യങ്ങളിലേക്ക് യുദ്ധവിമാനങ്ങളിൽ നിന്ന് തൊടുത്തു വിടാൻ കഴിയും.
പ്രഹാർ
ഖര ഇന്ധനമുപയോഗിക്കുന്ന ഭൂതല-ഭൂതല ഹ്രസ്വദൂര മിസൈൽ. 150 കി.മീ ദൂരപരിധി. 2011 ജൂലൈ 11-ന് വിജയകരമായി പരീക്ഷിച്ചു.
സൂര്യ
ഭൂഖണ്ഡാന്തര ബാലിസ്റ്റിക് മിസൈൽ ആണ് സൂര്യ. 8000-10000 കി.മീ ആണ് ഇതിന്റെ ദൂരപരിധി.
സാഗരിക
മുങ്ങിക്കപ്പലുകളിൽ നിന്ന് തൊടുത്തു വിടാൻ കഴിയുന്നതും ആണവപോർമുന വഹിക്കുന്നതുമായ ബാലിസ്റ്റിക് മിസൈൽ ആണ് സാഗരിക. 750 കി.മീ ദൂരപരിധിയുള്ള മിസൈൽ ആണിത്.
ബ്രഹ്മോസ്
ഇന്ത്യയും റഷ്യയും സംയുക്തമായി നിർമ്മിച്ച, സൂപ്പർ സോണിക് ക്രൂയിസ് മിസൈൽ ആണ് ബ്രഹ്മോസ്. കരയിൽ നിന്നും വിമാനത്തിൽ നിന്നും കപ്പലിൽ നിന്നും മുങ്ങി കപ്പലിൽ നിന്നും വിക്ഷേപിക്കാൻ കഴിയും. ബ്രഹ്മപുത്ര, മൊസ്കാവ നദികളുടെ പേരുകൾ കൂട്ടിച്ചേർത്താണ് ഈ മിസൈലിന് പേര് നൽകിയിരിക്കുന്നത്.
നിർഭയ്
ഇന്ത്യയുടെ ആദ്യ തദ്ദേശ നിർമിത ആണവായുധ വാഹക ക്രൂയിസ് മിസൈലാണ് നിർഭയ്. 2013ൽ ആദ്യമായി പരീക്ഷിച്ചു. 700 കിലോമീറ്റർ വരെ ദൂരത്തിൽ പ്രഹരമേൽപ്പിക്കാൻ ഇതിന് ശേഷിയുണ്ട്.
ഇന്ത്യയുടെ മിസൈൽ വികസന പദ്ധതിയുടെ പിതാവ്
അഗ്നി, പൃഥ്വി എന്നീ ഇന്ത്യൻ നിർമ്മിത മിസൈലുകളുടെ ശില്പി, ശേഷം ഡിഫൻസ് റിസേർച്ച് ആൻഡ് ഡെവലപ്മെന്റ് ഓർഗനൈസേഷന്റെ (DRDO) ഡയറക്ടർ, തുടർന്ന് സമഗ്ര മിസൈൽ പദ്ധതിയുടെ മേധാവി, രാജ്യരക്ഷാമന്ത്രിയുടെ ശാസ്ത്രകാര്യ ഉപദേഷ്ടാവ് എന്നീ നിലകളിൽ പ്രവർത്തിച്ച എ.പി.ജെ.അബ്ദുൾ കലാമാണ് ഇന്ത്യയുടെ മിസൈൽ വികസന പദ്ധതിയുടെ പിതാവായി അറിയപ്പെടുന്നത്.
ഇന്ത്യയുടെ മിസൈൽ വനിത
ടെസ്സി തോമസ് ആണ് ഇന്ത്യയുടെ മിസൈൽ വനിത എന്നറിയപ്പെടുന്നത്. കേരളത്തിലെ ആലപ്പുഴയിലാണ് ടെസ്സി ജനിച്ചത്. ഒരു മിസൈൽ പ്രോജക്ടിന്റെ നേതൃത്വം വഹിച്ച ആദ്യ ഇന്ത്യൻ വനിതയാണ് ടെസ്സി തോമസ്. അഗ്നി 4 ബാലിസ്റ്റിക് മിസൈലിന്റെ പ്രോജക്ട് ഡയറക്ടറായിരുന്നു ടെസ്സി തോമസ്. 2011-ൽ അഗ്നി 4 വിജയകരമായി പരീക്ഷിച്ചു. 5000 കി.മീ ദൂര പരിധിയുള്ള അഗ്നി 5 ഭൂഖണ്ഡാന്തര ബാലിസ്റ്റിക് മിസൈലിന്റെ പ്രോജക്ട് ഡയറക്ടറായി ടെസ്സി നിയമിതനായി. 2012 ഏപ്രിൽ 19നും 2013 സെപ്റ്റംബർ 15നും അഗ്നി 5 വിജയകരമായി പരീക്ഷിച്ചു.
ആവർത്തിക്കുന്ന ചോദ്യങ്ങൾ
1. നാഗ്, ആകാശ്, അസ്ത്ര, ത്രിശൂൽ ഇവയിൽ ഇന്ത്യയുടെ വ്യോമ മിസൈൽ - അസ്ത്ര
2. ഇന്ത്യൻ മിസൈലുകളുടെ പിതാവ് - എ.പി.ജെ അബ്ദുൾ കലാം
3. ഇന്ത്യയുടെ ആദ്യത്തെ ഭൂതല മിസൈലിന് നൽകിയ പേര് - പൃഥ്വി
4. ഇന്ത്യൻ സൈന്യത്തിൽ 'അഗ്നി' എന്നറിയപ്പെടുന്നതെന്തിനെയാണ് (വിമാനം, പീരങ്കി, ബോംബ്, മിസൈൽ) - മിസൈൽ
5. ഇന്ത്യ വ്യത്യസ്ത വിഭാഗത്തിൽ പെടുന്ന മിസൈലുകൾ തദ്ദേശീയമായി വികസിപ്പിക്കുന്നതായി രൂപം നൽകിയ പദ്ധതി - Integrated Guided Missile Development Programme (IGMDP)
6. IGMDP ആരംഭിച്ച വർഷം - 1983
7. IGMDP പദ്ധതിയിലൂടെ ഇന്ത്യ വികസിപ്പിച്ച മിസൈലുകൾ - അഗ്നി, പൃഥ്വി, ആകാശ്, തൃശ്ശൂൽ
8. ഇന്ത്യയുടെ മധ്യദൂര ഭൂഖണ്ഡാന്തര മിസൈലാണ് - അഗ്നി 1, അഗ്നി 2
9. ഇന്ത്യയുടെ ഹ്രസ്വദൂര ആണവ മിസൈൽ - പൃഥ്വി 1, പൃഥ്വി 2
10. ഇന്ത്യയുടെ വ്യോമപ്രതിരോധ മിസൈലുകൾ - ആകാശും, പൃഥ്വിയും
11. ഇന്ത്യയുടെ ടാങ്ക് വേധ മിസൈലാണ് - നാഗ്
12. ഇന്ത്യ തദ്ദേശീയമായി വികസിപ്പിച്ച ആദ്യത്തെ ഭൂതല-ഭൂതല മിസൈലാണ് - പൃഥ്വി
13. ഇന്ത്യയുടെ മിസൈൽ പരീക്ഷണ കേന്ദ്രങ്ങളാണ് - ചാന്ദിപുർ, ബാലസോർ, വീലർ ഐലൻഡ് (ഒഡീഷയിലാണിവ)
14. ഇന്ത്യൻ സായുധസേനകൾക്ക് പൃഥ്വി മിസൈൽ കൈമാറിയത് - 1993
15. ഇന്ത്യ തദ്ദേശീയമായി വികസിപ്പിച്ച റഡാർ സംവിധാനം - രാജേന്ദ്ര
16. ഇന്ത്യ തദ്ദേശീയമായി വികസിപ്പിച്ച പൈലറ്റില്ലാത്ത നിരീക്ഷണവിമാനങ്ങൾ - ലക്ഷ്യ, നിശാന്ത്
17. ഇന്ത്യൻ മിസൈൽ പദ്ധതികളുടെ പിതാവെന്ന് വിശേഷിപ്പിക്കുന്നത് - Dr APJ അബ്ദുൾ കലാം
18. ഇന്ത്യയും റഷ്യയും സംയുക്തമായി വികസിപ്പിച്ച ശബ്ദാതിവേഗ കപ്പൽ വേധ മിസൈലാണ് - ബ്രഹ്മോസ്
19. ഇന്ത്യയുടെ മിസൈൽ വനിത എന്നറിയപ്പെടുന്നത് - ടെസി തോമസ്
20. 'അഗ്നിപുത്രി' എന്നറിയപ്പെടുന്നത് - ടെസ്സി തോമസ്
21. ഇന്ത്യയും ഫ്രാൻസും ചേർന്ന് നിർമിക്കുന്ന മിസൈൽ - മൈത്രി
22. 'ഭാവിയുടെ മിസൈൽ' എന്നുവിശേഷിപ്പിക്കപ്പെടുന്നത് - അസ്ത്ര
23. ബാലിസ്റ്റിക് മിസൈൽ കണ്ടുപിടിച്ചത് - വെർണർ വോൺ ബ്രൗൺ
24. പൃഥ്വി ഏതു തരം മിസൈലാണ് - കരയിൽ നിന്നും കരയിലേക്കുള്ളത്
25. ഇന്ത്യ തദ്ദേശീയമായി നിർമിച്ച ആദ്യത്തെ മിസൈൽ ബോട്ട് - ഐ.എൻ.എസ് വിഭൂതി
26. ഇന്ത്യയിലെ മിസൈൽ വിക്ഷേപണത്തറ എവിടെയാണ് - ചാന്ദിപ്പുർ ഓൺ സീ (ഒറീസ്സ)
27. ഹൈദരാബാദിലെ ഭാരത് ഡൈനാമിക്സ് ലിമിറ്റഡിൽ എന്താണ് നിർമിക്കുന്നത് - ഗൈഡഡ് മിസൈലുകൾ
28. ഇന്ത്യയുടെ ആദ്യത്തെ ഭൂഖണ്ഡാന്തര ബാലിസ്റ്റിക് മിസൈൽ - അഗ്നി 5
29. പൃഥ്വി, അഗ്നി മിസൈലുകളുടെ പിന്നിൽ പ്രവർത്തിച്ച പ്രമുഖ ഇന്ത്യൻ ശാസ്ത്രജ്ഞൻ - എ.പി.ജെ.അബ്ദുൾ കലാം
30. ഇന്ത്യയിൽ ആദ്യമായി പീരങ്കി ഉപയോഗിച്ചത് - ബാബർ
31. ഇന്ത്യയിൽ ആദ്യമായി മിസൈൽ സംവിധാനം ഉപയോഗിച്ചത് - ടിപ്പു സുൽത്താൻ
32. ചാന്ദിപൂരിലെ വീലർ ദ്വീപിന്റെ പുതിയ പേര് - അബ്ദുൾ കലാം ദ്വീപ്
33. അമേരിക്ക, റഷ്യ, ഇസ്രായേൽ എന്നിവയ്ക്ക് ശേഷം ബാലിസ്റ്റിക് മിസൈൽ സംവിധാനം വിജയകരമായി വികസിപ്പിച്ച നാലാമത്തെ രാജ്യം - ഇന്ത്യ