സൂപ്പര്‍ കമ്പ്യൂട്ടര്‍

 സൂപ്പര്‍ കമ്പ്യൂട്ടര്‍ (Super Computer)

അതിസങ്കീർണ ജോലികൾ ചെയ്യാന്‍ സാധിക്കുന്ന അതിവേഗവും വളരെ മികച്ച പ്രോസസിങ്‌ ശേഷിയുമുള്ള കമ്പ്യൂട്ടറുകളെയാണ്‌ സൂപ്പര്‍ കമ്പ്യൂട്ടര്‍ എന്നു പറയുന്നത്‌. ആയിരക്കണക്കിന് ചെറിയ കമ്പ്യൂട്ടറുകൾ ചേർത്ത് ക്ലസ്റ്ററിങ് രീതിയിലാണ് സൂപ്പർ കമ്പ്യൂട്ടറുകൾ നിർമ്മിക്കാറുള്ളത്. ഭൂരിഭാഗം സൂപ്പർ കമ്പ്യൂട്ടറുകളും ലിനക്‌സ് ഓപ്പറേറ്റിംഗ് സിസ്റ്റം അടിസ്ഥാനമാക്കിയാണ് പ്രവർത്തിക്കുന്നത്. കാലാവസ്ഥാ പ്രവചനം, ബഹിരാകാശ ഗവേഷണം, തന്മാത്രാ വിശകലനം, അണു നിരീക്ഷണം, അണുവിസ്‌ഫോടനം, കാലാവസ്ഥാ ഗവേഷണം, എണ്ണ വാതക പര്യവേക്ഷണം തുടങ്ങി ഒട്ടേറെ അതിസങ്കീർണ ജോലികൾ ഇന്ന്‌ സൂപ്പര്‍ കമ്പ്യൂട്ടറുകളുടെ സഹായത്തോടെ മാത്രം നടക്കുന്ന ഒന്നായി മാറിക്കഴിഞ്ഞു.

കൺട്രോൾ ഡാറ്റാ കോർപ്പറേഷനിലെ സീമോർ ക്രേ (Seymour Cray) ആണ് 1960കളിൽ സൂപ്പർ കമ്പ്യൂട്ടര്‍ ആദ്യമായി അവതരിപ്പിച്ചത്. സൂപ്പര്‍ കമ്പ്യൂട്ടര്‍ നിര്‍മാണത്തില്‍ വിദഗ്ധനായ സീമോര്‍ ക്രേ (Seymour Cray) 1964ല്‍ CDC 6600 എന്ന സൂപ്പര്‍ കമ്പ്യൂട്ടര്‍ വികസിപ്പിച്ചു. സെക്കന്‍ഡില്‍ 30 ലക്ഷത്തോളം നിര്‍ദേശങ്ങൾ പ്രവര്‍ത്തിപ്പിക്കാന്‍ സാധ്യമായ കമ്പ്യൂട്ടറായിരുന്നു ഇത്‌. സീമോര്‍ ക്രേ 'സൂപ്പര്‍ കമ്പ്യൂട്ടിങ്ങിന്റെ പിതാവ്‌' എന്നറിയപ്പെടുന്നു. ഇന്ത്യയുടെ സൂപ്പർ കമ്പ്യൂട്ടറാണ് പരം. പുണെയിലെ C-DAC ആണ് ഈ സൂപ്പർ കമ്പ്യൂട്ടര്‍ വികസിപ്പിച്ചെടുത്തത്.

PSC ചോദ്യങ്ങൾ

■ അതിസങ്കീര്‍ണമായ ജോലികള്‍ ചെയ്യാന്‍ ഉപയോഗിക്കുന്ന അതിവേഗമുള്ള കമ്പ്യൂട്ടറുകളേവ?

സൂപ്പര്‍ കമ്പ്യൂട്ടറുകള്‍

■ സൂപ്പര്‍ കമ്പ്യൂട്ടര്‍ ആദ്യമായി അവതരിപ്പിച്ചത്‌ ആരാണ്‌?

സീമോര്‍ ക്രേ

■ “സൂപ്പര്‍ കമ്പ്യുട്ടറിന്റെ പിതാവ്‌" എന്നറിയപ്പെടുന്നതാര്‌?

സീമോര്‍ ക്രേ

■ റോഡ്‌ റണ്ണര്‍, ബ്ലൂജീന്‍, എര്‍ത്ത്‌ സിമുലേറ്റര്‍ എന്നിവ എന്താണ്‌?

സൂപ്പര്‍ കമ്പ്യൂട്ടറുകള്‍

■ 1991 ൽ വികസിപ്പിച്ചെടുത്ത ഇന്ത്യയിലെ ആദ്യത്തെ സൂപ്പര്‍ കമ്പ്യൂട്ടര്‍?

പരം - 8,000

■ “ഇന്ത്യന്‍ സൂപ്പര്‍ കമ്പ്യൂട്ടറിന്റെ പിതാവ്‌' എന്നറിയപ്പെടുന്നത്‌ ആരാണ്‌?

ഡോ. വിജയ്‌ പി. ഭട്കര്‍

■ പരം ശ്രേണിയിലെ സൂപ്പര്‍ കമ്പ്യൂട്ടര്‍ ശൃംഖല വികസിപ്പിച്ചെടുത്ത സ്ഥാപനമേത്‌?

പുണെയിലെ സെന്‍റര്‍ ഫോര്‍ ഡെവലപ്മെന്‍റ്  ഓഫ് അഡ്വാൻസ്ഡ് കമ്പ്യൂട്ടിങ്

■ ഐ.എസ്‌.ആര്‍.ഒ യുടെ സൂപ്പർ കമ്പ്യൂട്ടര്‍?

സാഗാ 220

■ ടെറാഫ്ലോപ്പ്‌, പെറ്റാഫ്ലോപ്പ്‌ എന്നീ അളവുകള്‍ എന്തുമായി ബന്ധപ്പെട്ടിരിക്കുന്നു?

സൂപ്പര്‍ കമ്പ്യൂട്ടറിന്റെ വേഗം

■ ലോകത്തിലെ ആദ്യ സൂപ്പർ കമ്പ്യൂട്ടർ -

CDC 6600 

■ ഇന്ത്യയുടെ ആദ്യ മൾട്ടി പെറ്റാഫ്‌ളോപ് സൂപ്പർ കമ്പ്യൂട്ടറിന്റെ പേര് -

പ്രത്യുഷ്

Post a Comment

Previous Post Next Post