കെ.കേളപ്പൻ

കെ.കേളപ്പൻ ജീവചരിത്രം 

ജനനം : 1889 ഓഗസ്റ്റ് 24

മുഴുവൻ പേര് : കൊയപ്പള്ളി കേളപ്പൻ നായർ

മരണം : 1971 ഒക്ടോബർ 7


'കേരള ഗാന്ധി' എന്ന അപരനാമത്തിൽ അറിയപ്പെടുന്ന സർവ്വോദയ നേതാവ് വൈക്കം സത്യാഗ്രഹത്തിൽ പങ്കെടുത്ത ഈ സമുന്നത നേതാവ് മാതൃഭൂമി പത്രത്തിന്റെ പത്രാധിപരായി സേവനമനുഷ്ഠിച്ചിട്ടുണ്ട്. കേരളത്തിന്റെ സാമൂഹിക പരിഷ്കർത്താക്കളിൽ പ്രാതഃസ്മരണീയൻ. മലബാറിലെ തീണ്ടൽ ജാതിക്കാരുടെ പ്രധാന പ്രശ്നങ്ങളായ സ്കൂൾ പ്രവേശനം, പൊതുവഴികളിലൂടെയുള്ള സഞ്ചാരം എന്നിവയ്ക്കുള്ള സ്വാതന്ത്ര്യത്തിനുവേണ്ടിയും പോരാടിയിട്ടുണ്ട്. കോഴിക്കോട്ട് നിന്നും പയ്യന്നൂർ വരെ 1930-ൽ നടത്തിയ ഉപ്പു സത്യാഗ്രഹത്തിന് നേതൃത്വം നൽകി. ഗുരുവായൂർ സത്യാഗ്രഹം നടത്തി. ക്വിറ്റിന്ത്യാ സമരത്തിൽ പങ്കെടുത്ത് ജയിൽവാസം അനുഷ്ഠിച്ചു. ഗാന്ധിയൻ ആദർശങ്ങളെ ജീവിതത്തിൽ പകർത്തിയ ഈ മഹാൻ പത്മശ്രീ ബഹുമതി നിരസിച്ചു.


ജീവചരിത്രം നാൾവഴി


■ 1889 ഓഗസ്റ്റ് 24-ന് പയ്യോളിക്കടുത്ത് മൂടാടിയിൽ ജനിച്ചു.


■ 1914-ൽ ചങ്ങനാശ്ശേരി സെന്റ് ബർക്ക്മാൻസ് കോളേജിൽ അധ്യാപകനായിരിക്കെ മന്നത്ത് പത്മനാഭനുമായി പരിചയപ്പെട്ടു. നായർ സമുദായ ഭൃത്യജന സംഘത്തിന്റെ സ്ഥാപക പ്രസിഡന്റ് സ്ഥാനം വഹിച്ചു. ഈ സംഘടനയാണ് പിന്നീട് നായർ സർവീസ് സൊസൈറ്റിയായത്‌.


■ 1921-ലെ മാപ്പിള ലഹള ശമിപ്പിക്കുന്നതിൽ സജീവമായി ഇടപ്പെട്ടു. അതെ വർഷം ഹരിജനങ്ങൾക്കു വേണ്ടി ഗോപാലപ്പുരത്ത് കോളനി സ്ഥാപിച്ചു.


■ 1924-ൽ വൈക്കം സത്യാഗ്രഹത്തിൽ പങ്കെടുത്തതിന് തടവിലായി.


■ 1929-ൽ മാതൃഭൂമിയുടെ പത്രാധിപൻ.


■ 1930-ൽ പയ്യന്നൂരിലേക്കു കോഴിക്കോട്ടുനിന്ന് ഉപ്പുസത്യാഗ്രഹജാഥ നയിച്ചു. സ്വാതന്ത്ര്യസമരത്തോടനുബന്ധിച്ച് കേരളത്തിൽ നടന്ന പ്രക്ഷോഭങ്ങൾക്ക് നേതൃത്വം നൽകി.


■ 1931-32 ൽ ഗുരുവായൂർ സത്യാഗ്രഹത്തിന് നേതൃത്വം കൊടുത്തു. ഗാന്ധിജി വ്യക്തി സത്യാഗ്രഹത്തിന് ആഹ്വാനം നൽകിയപ്പോൾ കേരളത്തിലെ ആദ്യസത്യാഗ്രഹിയായി തിരഞ്ഞെടുത്തത് കെ.കേളപ്പനെയായിരുന്നു.


■ 1951-ൽ കോൺഗ്രസ്സിൽനിന്ന് രാജിവെച്ചു. കോൺഗ്രസ് സോഷ്യലിസ്റ്റ് പാർട്ടി, കിസാൻ മസ്ദൂർ പാർട്ടി എന്നിവയുടെ നേതാവായി.


■ 1952-ൽ പൊന്നാനി ലോക് സഭ സീറ്റിൽ നിന്നും പാർലമെന്റിലേക്കു തിരഞ്ഞെടുക്കപ്പെട്ടു.


■ 1955-ൽ രാഷ്ട്രീയത്തിൽനിന്ന് വിരമിച്ച് സർവോദയ പ്രസ്ഥാനത്തിലും, ഭൂദാന പ്രസ്ഥാനത്തിലും ചേർന്ന് പ്രവർത്തിച്ചു.


■ 1971-ൽ ഒക്ടോബർ 7-ന് അന്തരിച്ചു.


ആവർത്തിക്കുന്ന ചോദ്യങ്ങൾ


1. എൻ.എസ്.എസിന്റെ ആദ്യ പ്രസിഡന്റായി സേവനമനുഷ്ഠിച്ചത് ആരാണ് - കെ.കേളപ്പൻ


2. ഗാന്ധിജിയുടെ കേരളത്തിലെ പ്രതിപുരുഷൻ എന്ന് വിശേഷിപ്പിക്കപ്പെട്ട നേതാവ് - കെ.കേളപ്പൻ


3. ഗാന്ധിജി വ്യക്തിസത്യാഗ്രഹം ആരംഭിച്ചപ്പോൾ കേരളത്തിലെ ആദ്യ സത്യാഗ്രഹിയായി തിരഞ്ഞെടുക്കപ്പെട്ടത് - കെ.കേളപ്പൻ


4. ഗാന്ധിജിയുടെ ഉപദേശമനുസരിച്ച് ഗുരുവായൂർ സത്യാഗ്രഹകാലത്ത് നിരാഹാരം അവസാനിപ്പിച്ച നേതാവ് - കെ.കേളപ്പൻ


5. കേരള ഗാന്ധി എന്നറിയപ്പെടുന്നത് - കെ.കേളപ്പൻ


6. കേരളത്തിൽ കെ.കേളപ്പൻ നയിച്ച ഉപ്പുസത്യാഗ്രഹ ജാഥയിൽ അദ്ദേഹമുൾപ്പടെ എത്ര അംഗങ്ങളുണ്ടായിരുന്നു - 32


7. കേരളത്തിൽ ഉപ്പു സത്യാഗ്രഹത്തിന് നേതൃത്വം നൽകിയത് - കെ.കേളപ്പൻ


8. ഗുരുവായൂർ സത്യാഗ്രഹ കമ്മിറ്റിയുടെ സെക്രെട്ടറിയായിരുന്നത് - കെ.കേളപ്പൻ


9. പത്മശ്രീ നിരസിച്ച മലയാളി - കെ.കേളപ്പൻ


10. കെ.കേളപ്പൻ ഏത് പത്രത്തിന്റെ മുഖ്യ പത്രാധിപനായിരുന്നു - മാതൃഭൂമി


11. തിരുനാവായയിൽ നിരാഹാര സത്യാഗ്രഹം അനുഷ്ഠിച്ച നേതാവ് - കെ.കേളപ്പൻ


12. മലപ്പുറം ജില്ല രൂപീകരിച്ചപ്പോൾ കൊച്ചു പാകിസ്ഥാൻ എന്നഭിപ്രായപ്പെട്ടത് - കെ.കേളപ്പൻ


13. കേളപ്പൻ തപാൽസ്റ്റാമ്പിൽ പ്രത്യക്ഷപ്പെട്ടതെന്ന് - 1990 ഓഗസ്റ്റ് 24


14. അങ്ങാടിപ്പുറം തളിക്ഷേത്ര സമരം നയിച്ച നേതാവ് - കെ.കേളപ്പൻ


15. "കേളപ്പൻ എന്ന മഹാനുഭാവൻ" എന്ന ജീവചരിത്ര ഗ്രന്ഥം രചിച്ചത് ആര്? - പ്രൊഫ. സി.കെ.മൂസ്സത്

0 Comments