ആഫ്രിക്കന്‍ സംസ്കാരം

ആഫ്രിക്കന്‍ സംസ്കാരം (African Civilization in Malayalam)
മനുഷ്യവംശത്തിന്റെ ചരിത്രം തുടങ്ങിയ ഭൂഖണ്ഡമാണ് ആഫ്രിക്ക. ആഫ്രിക്കയിൽ നിന്നാണ് മനുഷ്യർ ലോകത്തിന്റെ വിവിധ ഭാഗങ്ങളിലേക്ക് വ്യാപിച്ചത്. പലതരം ഗോത്രവർഗങ്ങളും സംസ്കാരങ്ങളും ഈ ഭൂഖണ്ഡത്തിന്റെ പല ഭാഗങ്ങളിലും പണ്ടുതൊട്ടേ നിലനിന്നിരുന്നു. ഖുഷ്, എത്യോപ്യ തുടങ്ങിയ വികസിത സാമ്രാജ്യങ്ങളും അക്കൂട്ടത്തിൽ പെടുന്നു. പടിഞ്ഞാറൻ ആഫ്രിക്കയിലുണ്ടായിരുന്ന ഘാന (ഇന്നത്തെ ഘാനയല്ല), മാലി, സോംഘായ്, ഹൗസ, ബൻസ തുടങ്ങിയ രാജ്യങ്ങൾ ആഫ്രിക്കയിൽ രൂപം കൊണ്ട സംസ്കാരങ്ങളുടെ പ്രമുഖ കേന്ദ്രങ്ങളാണ്. മധ്യ ആഫ്രിക്കയിൽ ഉണ്ടായിരുന്നവരാണ് ബാണ്ടു വംശജർ. ഇവർ പിന്നീട് പോർച്ചുഗീസ് അധിപത്യത്തിലായി. തെക്കൻ പ്രദേശത്തെ ഗ്രേറ്റ് സിംബാബ്‌വേ എന്ന രാജ്യം ആദ്യകാലത്തെ പ്രമുഖ സംസ്കാരങ്ങളിലൊന്നായിരുന്നു. ഇവിടത്തെ പ്രത്യേക തരം കൽശില്പങ്ങൾ ഇന്നും പ്രശസ്തമാണ്. ഈ പ്രദേശങ്ങളെല്ലാം തന്നെ പിന്നീട് പോർച്ചുഗീസുകാർ കോളനികളാക്കി.

പ്രധാന വസ്തുതകൾ

■ “മാനവികതയുടെ തൊട്ടില്‍" എന്നറിയപ്പെട്ടത് ആഫ്രിക്കയാണ്.

■ 13-ാം നൂറ്റാണ്ടിലാണ്‌ മാലി സാമ്രാജ്യം സ്ഥാപിക്കപ്പെട്ടത്‌.

■ മാലിയിലെ ഏറ്റവും പ്രശസ്ത രാജാവായിരുന്നു മൻസാ കങ്കന്‍ മൂസ.

■ മാലി സാമ്രാജ്യത്തിന്റെ സ്ഥാനത്ത്‌ 15-ാം നൂറ്റാണ്ടില്‍ രൂപംകൊണ്ടതാണ്‌ സോങ്ഹേ.

■ ഇപ്പോഴത്തെ സുഡാന്‍ ഉൾപ്പെടുന്ന പ്രദേശങ്ങളില്‍ ക്രിസ്തുവിന്‌ ആയിരം വര്‍ഷം മുന്‍പ്‌ നിലനിന്നിരുന്ന സാമ്രാജ്യമാണ് കുഷ്. മോറോ ആയിരുന്നു തലസ്ഥാനം.

■ മധ്യ ആഫ്രിക്കയിലെ ബര്‍മിങ്ഹാം എന്നാണ്‌ മോറോ നഗരത്തെ വിശേഷിപ്പിക്കുന്നത്. 

■ ഈജിപ്ഷ്യന്‍ സംസ്കാരത്തെ കുഷ്‌ വളരെയേറെ സ്വാധീനിച്ചിരുന്നു.

■ കുഷ്‌ സാമ്രാജ്യത്തിലെ ജനങ്ങൾ രൂപം നൽകിയ അക്ഷരമാലയാണ് മൊറോട്ടൈറ്റ് അക്ഷരമാല.

■ എ.ഡി.ഒന്നും രണ്ടും നൂറ്റാണ്ടുകളിൽ ആഫ്രിക്കയിൽ ഉയർന്നു വന്ന മറ്റു രണ്ടു പ്രബല സാമ്രാജ്യങ്ങളാണ് നൂബിയ, ആക്‌സൂം എന്നിവ.

■ ആക്‌സൂമിലെ എഴുത്തു ഭാഷയായിരുന്നു ഗീസ്.

Post a Comment

Previous Post Next Post