അമേരിക്കൻ സംസ്കാരം

അമേരിക്കൻ സംസ്കാരം - മായന്‍, ആസ്ടെക്, ഇന്‍കാ സംസ്കാരങ്ങള്‍ (Mayan, Aztec, Inca Civilizations in Malayalam)
ചരിത്രം കുറിച്ച പല സംസ്കാരങ്ങളുടെയും വിളനിലമാണ് അമേരിക്കൻ ഭൂഖണ്ഡങ്ങൾ. റെഡ് ഇന്ത്യൻ, മായൻ, ആസ്ടെക്, ഇൻക എന്നിവ അവയിൽ പ്രധാനപ്പെട്ടതാണ്. വടക്കേ അമേരിക്കയിലും, മധ്യ അമേരിക്കയിലും തെക്കേ അമേരിക്കയിലുമാണ് ഈ സംസ്കാരങ്ങൾ വികസിച്ചത്. വടക്കേ അമേരിക്കയിൽ ജീവിച്ചിരുന്നവരാണ് 'റെഡ് ഇന്ത്യക്കാർ'. ഇവർ പലപ്പോഴും നാടോടികളായിരുന്നു. എന്നാൽ മധ്യ അമേരിക്കയിലും തെക്കേ അമേരിക്കയിലും വളർന്ന മായൻ, ആസ്ടെക്, ഇൻക സംസ്കാരങ്ങളിലെ ജനങ്ങളിൽ ഭൂരിഭാഗവും ഒരിടത്ത് സ്ഥിരതാമസമാക്കി. കൃഷിചെയ്തും പട്ടണങ്ങളുണ്ടാക്കിയും പണ്ടേ പരിഷ്കാരികളായിട്ടായിരുന്നു അവരുടെ ജീവിതം. പിന്നീടുണ്ടായ സംസ്കാരങ്ങൾ പലകാര്യങ്ങളും ഇവരിൽ നിന്ന് കടമെടുത്തിട്ടുണ്ട്. തൊഴിലനുസരിച്ചുള്ള സാമൂഹിക വിഭജനവും ഭരണക്രമീകരണവും നികുതി പിരിക്കലുമൊക്കെ അവയിൽ ചിലതാണ്.

പ്രധാന വസ്തുതകൾ

■ ബിസി 1000 ൽ മധ്യ അമേരിക്കയിൽ നിന്ന് ഉത്ഭവിച്ച ഒരു മെസോഅമേരിക്കൻ സംസ്‌കാരമാണ്‌ മായന്‍ സംസ്കാരം.

■ മായന്‍മാരുടെ കലണ്ടറില്‍ ഒരു വർഷത്തിൽ 18 മാസവും, ഒരു മാസത്തിൽ 20 ദിവസവും ഉണ്ടായിരുന്നു.

■ മായന്‍മാര്‍ ആരാധിച്ചിരുന്ന പ്രധാന ദേവനായിരുന്നു ചോളദേവന്‍.

■ ദേവപ്രീതിക്കായി മായന്‍മാര്‍ നരബലി നടത്തിയിരുന്നു.

■ ചോളമായിരുന്നു മായന്‍മാരുടെ പ്രധാന ഭക്ഷ്യധാന്യവും കൃഷിയും.

■ എ.ഡി.800 ഓടെ മായന്‍മാര്‍ നിര്‍മിച്ച ചിചന്‍ ഇറ്റ്‌സയിലെ പിരമിഡ്‌ ലോകാദ്ഭുതങ്ങളില്‍ ഒന്നാണ്.

■ മെക്സിക്കോയിലെ നഗരങ്ങളിലുള്ള ഇപ്പോഴത്തെ ജനങ്ങളാണ് എഡി 1200 ൽ ഉയർന്നുവന്ന ആസ്ടെക് നാഗരികത.

■ ആസ്‌ടെക്കുകളുടെ തലസ്ഥാനമാണ് ഷിറ്റിറ്റ്ലാൻ.

■ ആസ്ടെക്കുകളുടെ ഭാഷയാണ് നഹ്വാട്ടില്‍.

■ ആസ്‌ടെക്കുകളുടെ കാലഘട്ടത്തിൽ നിർമ്മിച്ച ഒഴുകുന്ന പൂന്തോട്ടമാണ് ചിനാംപാസ്.

■ തെക്കേ അമേരിക്കൻ ഭൂഖണ്ഡത്തിലെ ഉയർന്ന പ്രദേശങ്ങളായ പെറു, ചിലി, ഇക്വഡോർ എന്നിവിടങ്ങളിൽ നിന്നാണ് ഇൻക നാഗരികത ഉടലെടുത്തത്.

■ ഇന്‍കകൾ നരബലി നടത്തിയിരുന്നു.

■ ഇന്‍കകളുടെ പ്രധാന ഉത്സവമായിരുന്നു സൂര്യോത്സവം.

■ മായന്‍മാരും ഇന്‍കകളും പിരമിഡ്‌ നിര്‍മിച്ചിരുന്നു.

■ ഇന്‍കകൾ നിര്‍മിച്ച മാച്ചുപിച്ചു നഗരവും ലോകാദ്ഭുതങ്ങളില്‍ ഉൾപ്പെടുന്നു. ഇതിന്റെ അവശിഷ്ടങ്ങൾ പെറുവിലാണുള്ളത്‌.

■ ഇ൯കാ സാമ്രാജ്യത്തിന്റെ തലസ്ഥാനമായിരുന്നു കുസ്‌കോ.

■ സൂര്യന്റെ പിന്‍ഗാമികളാണെന്നാണ്‌ ഇന്‍കാ രാജാക്കന്‍മാര്‍ കരുതിപ്പോന്നത്‌. 

ആവർത്തിക്കുന്ന ചോദ്യങ്ങൾ 

1. മായൻ കലണ്ടറിലെ മാസങ്ങളുടെ എണ്ണം - 18

2. മായൻ നാഗരികത അഭിവൃദ്ധി പ്രാപിച്ചത് ഏതു പ്രദേശത്താണ് - മധ്യ അമേരിക്ക

3. ഇൻക സംസ്കാരത്തിന്റെ അവശിഷ്ടങ്ങൾ കാണുന്ന മാച്ചുപിച്ചു ഏതു രാജ്യത്താണ് - പെറു

4. ലാറ്റിനമേരിക്കയിലെ പുരാതന ജനവിഭാഗമായ ആസ്ടെക്കുകൾ ഇന്നത്തെ ഏതു രാജ്യത്താണ് - മെക്സിക്കോ

5. പ്രാചീന അമേരിക്കയിലെ പ്രസിദ്ധ സംസ്കാരങ്ങൾ - മായൻ, ആസ്ടെക്, ഇൻക

6. ലോകത്തിൽ ആദ്യമായി നാഗാരാധന നടത്തിയിരുന്ന ജനവിഭാഗം - ആസ്ടെക്കുകൾ

7. അമേരിക്കയിലെ ഏറ്റവും മഹത്തായ സംസ്‌കാരം - മായൻ സംസ്‌കാരം

8. ലോകത്തിലാദ്യമായി ചോളം കൃഷി ചെയ്‌തിരുന്നതായി കരുതപ്പെടുന്ന ജനവിഭാഗം - മായൻ ജനവിഭാഗം 

9. എഴുത്തുവിദ്യയെപറ്റി അറിവില്ലാതിരുന്ന പ്രാചീന അമേരിക്കൻ സംസ്‌കാരം - ഇൻക

10. അമേരിക്കയിലെ ആദിമ നിവാസികളെ പൊതുവെ വിളിക്കുന്നത് - റെഡ് ഇന്ത്യൻസ്

Post a Comment

Previous Post Next Post