തദ്ദേശസ്വയംഭരണ സ്ഥാപനങ്ങൾ

തദ്ദേശസ്വയംഭരണം (Local Self Government)


ഇന്ത്യയിലെ പൊതുഭരണ കാഴ്ചപ്പാടിനെ വളരെ അധികം സ്വാധീനിച്ച ഗാന്ധിജിയുടെ ആശയമാണ് ഗ്രാമസ്വരാജ്. ഗ്രാമസ്വരാജ് എന്ന ആശയത്തിന്റെ പരിണതഫലമായാണ് പ്രാദേശിക ഭരണസ്ഥാപനങ്ങൾക്ക് രൂപം നൽകിയത്. അതനുസരിച്ച് രൂപംകൊണ്ട സംവിധാനങ്ങളാണ് തദ്ദേശസ്വയംഭരണ സ്ഥാപനങ്ങൾ. അധികാര വികേന്ദ്രീകരണത്തിന്റെ അടിത്തറ എന്നറിയപ്പെടുന്നത് പ്രാദേശിക ഗവൺമെന്റ്/ തദ്ദേശ സ്വയംഭരണ സ്ഥാപനങ്ങളാണ്.

തദ്ദേശ സ്വയംഭരണ സ്ഥാപനങ്ങളുടെ ആവശ്യകത 

◆ തദ്ദേശ ഗവൺമെന്റുകൾ ജനങ്ങളോട് അടുത്ത് നിൽക്കുന്നവയും സാധാരണ പൗരന്മാരുടെ പ്രശ്നങ്ങൾ ചുരുങ്ങിയ ചെലവിലും വേഗതയിലും പരിഹരിക്കുന്നവയുമാണ്.

◆ പ്രാദേശിക താല്പര്യങ്ങൾ ഫലപ്രദമായി സംരക്ഷിക്കാൻ തദ്ദേശ ഗവൺമെന്റുകൾക്ക് കഴിയും.

◆ തദ്ദേശീയ വിജ്ഞാനം, തദ്ദേശീയരുടെ കൂട്ടായ ഊർജം എന്നിവ ഉപയോഗപ്പെടുത്താൻ തദ്ദേശ ഗവൺമെന്റുകൾ ആവശ്യമാണ്.

◆ തദ്ദേശ ഗവൺമെന്റുകൾ ജനാധിപത്യത്തിന്റെ നെടുംതൂണുകളാണ്. ജനങ്ങളുടെ പങ്കാളിത്തവും ചുമതലബോധവും അതുറപ്പുവരുത്തുന്നു.

◆ അധികാര വികേന്ദ്രീകരണം, വികേന്ദ്രീകൃത ആസൂത്രണം എന്നിവ മുഖ്യമായും നടപ്പിലാക്കപ്പെടുന്നത് തദ്ദേശ ഗവൺമെന്റുകൾ വഴിയാണ്.

PSC ചോദ്യങ്ങൾ

■ പഞ്ചായത്ത്‌ ദിനം ആചരിക്കുന്നത്‌ - ഏപ്രില്‍ 24

■ പഞ്ചായത്തിന്റെ കാലാവധി - 5 വര്‍ഷം

■ പഞ്ചായത്ത്‌ തെരഞ്ഞെടുപ്പില്‍ വോട്ട് ചെയ്യാനുള്ള ചുരുങ്ങിയ പ്രായം - 18

■ പഞ്ചായത്തിലെ അംഗമാകാന്‍ വേണ്ട കുറഞ്ഞ പ്രായം - 23

■ തദ്ദേശ സ്വയംഭരണ സ്ഥാപനങ്ങളിലെ അഴിമതി തടയാന്‍ രൂപീകൃതമായ സമിതി - തദ്ദേശസ്വയംഭരണ ഓംബുഡ്സ്മാന്‍

■ ഓംബുഡ്സ്മാന്റെ കാലാവധി എത്ര വര്‍ഷം - 3

■ കില (KILA) യുടെ പൂര്‍ണ്ണ രൂപം - കേരള ഇൻസ്റ്റിറ്റ്യൂട്ട് ഓഫ്‌ ലോക്കല്‍ അഡ്മിനിസ്ട്രേഷന്‍

■ കിലയുടെ ആസ്ഥാനം - മുളങ്കുന്നത്തുകാവ് (തൃശ്ശൂര്‍)

■ കേരളത്തില്‍ പഞ്ചായത്ത്‌ രാജ്‌ നടപ്പിലാക്കിയ വര്‍ഷം - 1994 ഏപ്രില്‍ 23

■ കേരളത്തില്‍ ത്രിതല പഞ്ചായത്ത്‌ സംവിധാനം നടപ്പിലാക്കിയ വര്‍ഷം - 1995

■ കേരളത്തില്‍ ജനകീയാസൂത്രണം നടപ്പിലാക്കിയ വര്‍ഷം - 1996

■ ഇന്ത്യയില്‍ ആദ്യമായി പഞ്ചായത്ത്‌ രാജ്‌ സംവിധാനം നടപ്പിലാക്കിയ സംസ്ഥാനം - രാജസ്ഥാന്‍

■ രാജസ്ഥാനില്‍ പഞ്ചായത്തിരാജ്‌ നടപ്പിലാക്കിയ വര്‍ഷം - 1959

■ ദക്ഷിണേന്ത്യയില്‍ പഞ്ചായത്ത്‌ രാജ്‌ നടപ്പിലാക്കിയ ആദ്യ സംസ്ഥാനം - ആന്ധ്രാപ്രദേശ്‌

■ പഞ്ചായത്തിരാജ്‌ നിയമംമൂലം തെരഞ്ഞെടുപ്പ്‌ നടന്ന ആദ്യ ഇന്ത്യന്‍ സംസ്ഥാനം - മധ്യപ്രദേശ്‌

■ ഇന്ത്യയില്‍ ഗ്രാമസഭ വര്‍ഷമായി ആചരിച്ച വര്‍ഷം - 1999-2000

■ എത്രാമത്തെ ഭരണഘടന ഭേദഗതി പ്രകാരമാണ്‌ പഞ്ചായത്ത്‌ രാജ്‌ നടപ്പിലാക്കിയത്‌ - 73

■ ഏതു തരത്തിലുള്ള ഭരണസംവിധാനമാണ്‌ പഞ്ചായത്ത്‌ രാജ്‌ - ത്രിതലം

■ "ഇന്ത്യയുടെ ആത്മാവ്‌ ഗ്രാമങ്ങളിലാണ്‌” എന്ന്‌ പറഞ്ഞത്‌ - ഗാന്ധിജി

■ ഇന്ത്യയിലെ പഞ്ചായത്ത് രാജിന്റെ പിതാവ് - ബല്‍വന്ത്‌ റായ്‌ മേത്ത

■ ഇന്ത്യയിലെ തദ്ദേശ സ്വയംഭരണസ്ഥാപനങ്ങളുടെ പിതാവ്‌ - റിപ്പണ്‍പ്രഭു

■ മുനിസിപ്പാലിറ്റികളുടെ കണക്കുകള്‍ പരിശോധിക്കുന്നത്‌ - ലോക്കല്‍ ഫണ്ട്‌ ഓഡിറ്റ്‌ വകുപ്പ്‌

■ തദ്ദേശ സ്വയംഭരണ സ്ഥാപനങ്ങളിലെ പ്രതിനിധികള്‍ക്കും ഉദ്യോഗസ്ഥന്മാർക്കും പരിശീലനം നല്‍കുന്ന സ്ഥാപനം - കില

■ ഏറ്റവും നല്ല പഞ്ചായത്തിനു നല്‍കുന്ന അവാര്‍ഡ്‌ - സ്വരാജ് ട്രോഫി

■ സ്വരാജ് ട്രോഫിയുടെ അവാര്‍ഡ്‌ തുക - 25 ലക്ഷം

■ പഞ്ചായത്തുകളുടെ അധികാരങ്ങളേയും അവകാശങ്ങളേയും കുറിച്ച്‌ പ്രതിപാദിക്കുന്ന ഭരണഘടനയിലെ ഷെഡ്യൂള്‍ - 11

■ പഞ്ചായത്ത്‌ സമിതികളെ പിരിച്ചുവിടാനും കാലാവധി നീട്ടാനും ഉള്ള അധികാരം ആരിലാണ്‌ - സംസ്ഥാന ഗവണ്‍മെന്റ്‌

■ സര്‍ക്കാര്‍ ജീവനക്കാര്‍ തൊഴില്‍ നികുതി നല്‍കുന്നത്‌ - തദ്ദേശ സ്വയംഭരണ സ്ഥാപനത്തില്‍

■ തിരുവിതാംകൂറില്‍ ഗ്രാമപഞ്ചായത്ത്‌ സമ്പ്രദായം നടപ്പിലാക്കിയ ഭരണാധികാരി - റാണി സേതുലക്ഷ്മി ഭായ്‌

■ കുടുംബശ്രീയുടെ പ്രവര്‍ത്തനം ആരംഭിച്ച വര്‍ഷം - 1999 ഏപ്രിൽ 1

■ ആദ്യത്തെ തദ്ദേശ സ്വയംഭരണ മന്ത്രി - പി. കെ. ചാത്തൻ മാസ്റ്റർ

■ മുൻ തിരുവിതാംകൂറിലെ തദ്ദേശ സ്വയംഭരണ മന്ത്രി - സി. കേശവൻ

■ കേരളത്തിലെ കോർപറേഷനുകൾ - തിരുവനന്തപുരം, കൊല്ലം, കൊച്ചി, തൃശൂർ, കോഴിക്കോട്, കണ്ണൂർ

തദ്ദേശസ്വയംഭരണ സ്ഥാപനങ്ങൾ

■ കേരളത്തിലെ ഗ്രാമപഞ്ചായത്തുകളുടെ എണ്ണം - 941
■ കേരളത്തിലെ ബ്ലോക്ക് പഞ്ചായത്തുകളുടെ എണ്ണം - 152
■ കേരളത്തിലെ ജില്ല പഞ്ചായത്തുകളുടെ എണ്ണം - 14
■ കേരളത്തിലെ മുനിസിപ്പാലിറ്റികളുടെ എണ്ണം - 87
■ കേരളത്തിലെ കോർപറേഷനുകളുടെ എണ്ണം - 6
■ ഏറ്റവും കൂടുതൽ ഗ്രാമപഞ്ചായത്തുകൾ ഉള്ള ജില്ല - മലപ്പുറം (94)
■ ഏറ്റവും കൂടുതൽ ഗ്രാമപഞ്ചായത്തുകൾ ഉള്ള രണ്ടാമത്തെ ജില്ല - പാലക്കാട് (88)
■ ഏറ്റവും കുറവ് ഗ്രാമപഞ്ചായത്തുകൾ ഉള്ള ജില്ല - വയനാട് (23)
■ ഏറ്റവും കൂടുതൽ ബ്ലോക്ക് പഞ്ചായത്തുകൾ ഉള്ള ജില്ല - തൃശ്ശൂർ (16)
■ ഏറ്റവും കൂടുതൽ ബ്ലോക്ക് പഞ്ചായത്തുകളുള്ള കേരളത്തിലെ രണ്ടാമത്തെ ജില്ല - മലപ്പുറം (15)
■ ഏറ്റവും കുറവ് ബ്ലോക്ക് പഞ്ചായത്തുകൾ ഉള്ള ജില്ല - വയനാട് (4)
■ ഏറ്റവും കൂടുതൽ മുൻസിപ്പാലിറ്റികളുള്ള ജില്ല - എറണാകുളം (13)
■ ഏറ്റവും കുറവ് മുൻസിപ്പാലിറ്റികളുള്ള  ജില്ല - ഇടുക്കി (2)
■ ഏറ്റവുമധികം വാർഡുകളുള്ള കോർപ്പറേഷൻ - തിരുവനന്തപുരം (100)
■ ഏറ്റവും ഒടുവിലായി രൂപംകൊണ്ട കോർപ്പറേഷൻ - കണ്ണൂർ 
■ ജനസംഖ്യ ഏറ്റവും കൂടിയ ജില്ല - മലപ്പുറം 
■ ജനസംഖ്യ ഏറ്റവും കുറഞ്ഞ ജില്ല - വയനാട് 
■ കേരളത്തിലെ ഏറ്റവും ജനസംഖ്യയുള്ള ഗ്രാമപഞ്ചായത്ത് - ഒളവണ്ണ (കോഴിക്കോട്)
■ കേരളത്തിലെ ഏറ്റവും ജനസംഖ്യ കുറഞ്ഞ ഗ്രാമപഞ്ചായത്ത് - ഇടമലക്കുടി (ഇടുക്കി)
■ ഗ്രൂപ്പ് വില്ലേജുകൾ ഉൾപ്പെടെ കേരളത്തിലെ ആകെ വില്ലേജുകൾ - 1664 
■ കേരളത്തിലെ ആകെ താലൂക്കുകളുടെ എണ്ണം - 77 
■ കേരളത്തിലെ ഏറ്റവും വിസ്തീർണം കൂടിയ ഗ്രാമപഞ്ചായത്ത് - കുമളി (ഇടുക്കി)
■ കേരളത്തിലെ ഏറ്റവും വിസ്തീർണം കുറഞ്ഞ ഗ്രാമപഞ്ചായത്ത് - വളപട്ടണം (കണ്ണൂർ)
■ ആദ്യമായി അക്ഷയ പദ്ധതി സ്ഥാപിച്ചത് ഏതു ജില്ലയിൽ  - മലപ്പുറം
■ ഏറ്റവും കൂടുതൽ റവന്യൂ ഗ്രാമങ്ങൾ ഉള്ള ജില്ല - പാലക്കാട്
■ ഏറ്റവും കുറവ് ജനസംഖ്യയുള്ള ഗ്രാമം - നീലപ്പാറ, ഇടുക്കി
■ ഏറ്റവും കൂടുതൽ സാക്ഷരതയുള്ള ഗ്രാമം - നെടുമുടി, ആലപ്പുഴ
■ ഏറ്റവും കുറഞ്ഞ സാക്ഷരതയുള്ള ഗ്രാമം - പാലക്കാടിലെ പടവയൽ
■ ഏറ്റവും കൂടുതൽ സാക്ഷരതാ നിരക്ക് ഉള്ള മുനിസിപ്പാലിറ്റി - ചെങ്ങന്നൂർ
■ കേരളത്തിലെ ആദ്യത്തെ ലേബർ ബാങ്ക് - അകത്തേത്തറ പഞ്ചായത്തിലാണ്
■ ഇന്ത്യയിലെ ആദ്യത്തെ കമ്പ്യൂട്ടർവത്കൃത താലൂക്ക് ഓഫീസ് - ഒറ്റപ്പാലം
■ ആദ്യത്തെ ഇ-ജില്ലകൾ - പാലക്കാട്, കണ്ണൂർ

സ്വരാജ് ട്രോഫി

വികേന്ദ്രീകൃതാസൂത്രണ രംഗത്ത് മികച്ച പ്രകടനം കാഴ്ചവയ്ക്കുന്ന തദ്ദേശസ്വയംഭരണ സ്ഥാപനങ്ങൾക്ക് നൽകുന്ന അവാർഡാണ് സ്വരാജ് ട്രോഫി. 1995 - 96 ൽ ആരംഭിച്ച മികച്ച ഗ്രാമപ്പഞ്ചായത്തുകൾക്കുള്ള ആദ്യത്തെ സ്വരാജ് ട്രോഫി എന്ന് നാമകരണം ചെയ്‌തത്‌ 1996 - 97 ലാണ്. സംസ്ഥാനതലത്തിൽ മികച്ച ഗ്രാമപ്പഞ്ചായത്തിന് സ്വരാജ് ട്രോഫിയും 25 ലക്ഷം രൂപയുടെ പ്രത്യേക പദ്ധതി സഹായധനവുമാണ് ലഭിക്കുക. 

സ്വരാജ് ട്രോഫി ആദ്യ വിജയികൾ

■ ഗ്രാമപഞ്ചായത്ത് (1995-1996) - കഞ്ഞിക്കുഴി (ആലപ്പുഴ ജില്ല)
■ ബ്ലോക്ക് പഞ്ചായത്ത് (2000-2001) - പെരുങ്കടവിള (തിരുവനന്തപുരം ജില്ല)
■ ജില്ലാ പഞ്ചായത്ത് (2000-01) - ആലപ്പുഴ
■ നഗരസഭ (1999-2000) - മഞ്ചേരി (മലപ്പുറം ജില്ല)

മഹാത്മാ പുരസ്‌കാരം : 

ദേശീയ ഗ്രാമീണ തൊഴിലുറപ്പ് പദ്ധതിയിൽ മികച്ച പ്രകടനം കാഴ്ചവയ്ക്കുന്ന ഗ്രാമപ്പഞ്ചായത്തുകൾക്ക് സംസ്ഥാനതലത്തിൽ ഏർപ്പെടുത്തിയിട്ടുള്ള അവാർഡാണ് മഹാത്മാ പുരസ്‌കാരം. മഹാത്മാ പുരസ്‌കാരം 2012 മുതലാണ് ഏർപ്പെടുത്തിയത്. 2012 - 13 ൽ പ്രഥമ മഹാത്മാ പുരസ്‌കാരം നേടിയ ഗ്രാമപ്പഞ്ചായത്താണ് വെള്ളറട (തിരുവനന്തപുരം).

Post a Comment

Previous Post Next Post