കാസർഗോഡ് ജില്ല

കാസർഗോഡ് ജില്ല
■ നിലവില്‍ വന്നത്‌ - 1984 മെയ്‌
■ കേരളത്തില്‍ ഏറ്റവും അവസാനമായി രൂപവത്കരിക്കപ്പെട്ട ജില്ല.
■ കേരളത്തില്‍ ഏറ്റവും കൂടുതല്‍ നദികൾ ഒഴുകുന്ന ജില്ല.
■ ദൈവങ്ങളുടെ നാട്‌, നദികളുടെ നാട്‌, കോട്ടകളുടെ നാട്‌, സപ്തഭാഷാ  സംഗമഭൂമി എന്നിങ്ങനെയുള്ള വിശേഷണങ്ങളുണ്ട്‌.
■ ഏറ്റവും കൂടുതല്‍ പ്രാദേശിക ഭാഷകൾ സംസാരിക്കുന്ന ജില്ല.
■ തുളു ഭാഷ സംസാരിക്കുന്ന കേരളത്തിലെ ഏക ജില്ല.
■ 'ബ്യാരി' എന്ന പ്രദേശികഭാഷ സംസാരിക്കുന്ന പ്രദേശം ഇവിടെയാണ്‌.
■ യക്ഷഗാനം പ്രചാരത്തിലുള്ള ജില്ല
■ പുകയില കൃഷി ചെയ്യുന്ന കേരളത്തിലെ ഏകജില്ല.
■ കേരളത്തിലെ ആദ്യ ജൈവജില്ല.
■ ഏറ്റവും കൂടുതല്‍ ബോക്‌സിറ്റ് നിക്ഷേപമുള്ള ജില്ല.
■ എന്‍ഡോസൾഫാന്‍ ദുരന്തം വിതച്ച ജില്ല.
■ തുളുനാടിൻ്റെ ഭാഗമായിരുന്ന കേരളത്തിലെ ജില്ല.
■ കേരളത്തിലെ വലുപ്പം കുറഞ്ഞ രണ്ടാമത്തെ ജില്ല.
■ വറ്റല്‍മുളക്‌ ഉല്പാദനത്തില്‍ ഒന്നാംസ്ഥാനം
■ ദക്ഷിണ കാനറയുടെ ഭാഗമായിരുന്ന ജില്ല.

    പ്രധാന നദികള്‍

    ■ ചന്ദ്രഗിരി പുഴ, ഷിറിയ, മൊഗ്രാല്‍, ഉപ്പള, മഞ്ചേശ്വരം, നീലേശ്വരം.

      ടൂറിസ്റ്‌ കേന്ദ്രങ്ങള്‍

      ■ ബേക്കല്‍ കോട്ട, ചന്ദ്രഗിരിക്കോട്ട, ഹൊസ്ദുര്‍ഗ്‌ കോട്ട
      ■ റാണിപുരം (മാടത്തുമല)
      ■ വലിയപറമ്പ്‌
      ■ വീരമലക്കുന്ന്‌
      ■ കോട്ടഞ്ചേരി
      ■ പാണ്ഡ്യന്‍ കല്ല്‌ (തൃക്കണ്ണാട്‌ ക്ഷേത്രം)
      ■ കുമ്പന്‍മല, മഞ്ഞം പൊതിക്കുന്ന്‌, വീരമല
      ■ പാലക്കൊള്ളി, തീന്‍വാരിക്കല്ല്‌ വെള്ളച്ചാട്ടങ്ങള്‍, കാപ്പില്‍, കുന്നുവീട്‌, പടന്ന, കണ്വതീര്‍ഥ ബീച്ചുകള്‍, മായിപ്പാടി കൊട്ടാരം, നീലേശ്വരം കോവിലകം

      പ്രധാന സ്ഥാപനങ്ങള്‍

      ■ കേന്ദ്ര തോട്ടവിള ഗവേഷണ കേന്ദ്രം - കുഡ്‌ലു
      ■ കേന്ദ്ര സര്‍വകലാശാല - നായന്മാര്‍ മൂല
      ■ തെങ്ങ്‌ ഗവേഷണ കേന്ദ്രം - പിലിക്കോട്‌
      ■ കാഞ്ചന്‍ ജംഗ കലാഗ്രാമം - കാറഡുക്ക
      ■ എച്ച്‌.എ.എല്‍ (HAL) യൂണിറ്റ്‌ - സീതാംഗോളി
      ■ BHEL യൂണിറ്റ്‌ - ബദിയടുക്ക
      കാസർഗോഡ് ഡീസൽ വൈദ്യുത നിലയം

        സ്മാരകങ്ങൾ

        ■ പി കുഞ്ഞിരാമൻനായർ സ്മാരകം - കാഞ്ഞങ്ങാട്
        ■ ടി.എസ്.തിരുമുമ്പ് സ്മാരകം - പിലിക്കോട്

          തനത് ഇനങ്ങൾ

          ■ കാസർഗോഡൻ സാരി,
          ■ നീലേശ്വരം തെങ്ങുകൾ,
          ■ തളങ്കര തൊപ്പി.

            അപരനാമങ്ങള്‍

            ■ കേരളത്തിന്റെ ഊട്ടി - റാണിപുരം
            ■ കേരളത്തിന്റെ കൂര്‍ഗ്‌ - മാലോം
            ■ പൂരക്കളിയുടെയും കളരിയുടെയും നാട് - കയ്യൂര്‍

            കേരളത്തിന്റെ വടക്കേ അറ്റത്തുള്ളവ

            ■ ജില്ല - കാസർഗോഡ്
            ■ താലൂക്ക്‌ - മഞ്ചേശ്വരം
            ■ പഞ്ചായത്ത്‌ - മഞ്ചേശ്വരം
            ■ ഗ്രാമം - തലപ്പാടി
            ■ കായല്‍ - ഉപ്പള
            ■ നദി - മഞ്ചേശ്വരം
            ■ നിയമസഭാമണ്ഡലം - മഞ്ചേശ്വരം
            ■ ലോകസഭാ മണ്ഡലം - കാസർഗോഡ്
            ■ റെയിൽവേ സ്റ്റേഷൻ - മഞ്ചേശ്വരം

            വേറിട്ട വസ്തുതകള്‍

            ■ കേരളത്തിന്റെ വടക്കേയറ്റത്തെ രാജവംശമായ കുമ്പള രാജാക്കന്മാരുടെ ആസ്ഥാനമായിരുന്നു മായിപ്പാടി കോവിലകം.

            ■ ഇക്കേരിനായിക്കന്‍ വംശത്തില്‍പ്പെട്ട ശിവപ്പനായിക്‌ ആണ്‌ ബേക്കല്‍ കോട്ട, ചന്ദ്രഗിരി കോട്ട എന്നിവ പണിതത്‌.

            ■ കാഞ്ഞങ്ങാട്‌ കോട്ട (ഹോസ്ദുർഗ് കോട്ട) പണിതത്‌ സോമശേഖരനായിക്കനാണ്‌.

            ■ ചരിത്ര പ്രസിദ്ധമായ കയ്യൂര്‍സമരം നടന്നത്‌ 1941-ലാണ്‌.

            ■ കയ്യൂര്‍സമരത്തെ പ്രമേയമാക്കി രചിക്കപ്പെട്ട നോവലാണ്‌ നിരഞ്ജനയുടെ 'ചിരസൂരണ'

            ■ ലെനിന്‍ രാജേന്ദ്രന്‍ സംവിധാനംചെയ്യ മീനമാസത്തിലെ സൂര്യന്‍ ' എന്ന സിനിമയുടെ പ്രമേയവും കയ്യൂര്‍സമരമാണ്‌.

            ■ ചന്ദ്രഗിരിപ്പുഴയുടെ തീരത്താണ്‌ മൗര്യചക്രവര്‍ത്തിയായിരുന്ന ചന്ദ്രഗുപ്‌ത മൗര്യന്‍ അന്ത്യകാലം ചെലവഴിച്ചതെന്ന്‌ കരുതുന്നു.

            ■ കേരളത്തിലെ ആദ്യമുഖ്യമന്ത്രി ഇ.എം.എസ്‌. പ്രതിനിധാനംചെയ്തത്‌ നീലേശ്വരം മണ്ഡലത്തെയാണ്‌.

            ■ മഞ്ചേശ്വരം മണ്ഡലത്തില്‍നിന്നു വിജയിച്ച ഉമേഷ്‌ റാവുവാണ്‌ കേരളനിയമസഭാചരിത്രത്തില്‍ എതിരില്ലാതെ തിരഞ്ഞെടുക്കപ്പെട്ട ഏക നിയമസഭാംഗം.

            ■ തൃശ്ശൂര്‍ മുതല്‍ ചന്ദ്രഗിരിപ്പുഴവരെയാണ്‌ വിടി. ഭട്ടത്തിരിപ്പാട്    യാചനപദയാത്ര നടത്തിയത്‌ (1931).

            ■ കാസര്‍ക്കോട്ടെ ചീമേനിയില്‍ 1940-ല്‍ കാര്‍ത്ത്യായനിയമ്മയുടെ നേതൃത്വത്തില്‍ നടന്ന സമരമാണ്‌ തോൽവിറക്‌ സമരം.

            ■ കേരളത്തിലെ ഏറ്റവും വലിയ കോട്ട - ബേക്കൽകോട്ട.

            ■ കേരളത്തിലെ ഏക മനുഷ്യനിർമിത വനം - കരീം ഫോറസ്‌റ്റ്‌ പാർക്ക് (പരപ്പ)

            ■ കേരളത്തിലെ  രണ്ടാമത്തെ തുറന്ന ജയിൽ - ചീമേനി

            ■ കേരളത്തിലെ  ആദ്യ സമ്പൂർണ രക്തദാന പഞ്ചായത്ത് - മടിക്കൈ

            ■ കേരളത്തിലെ  ആദ്യ സങ്കരയിനം തെങ്ങിൻതോട്ടം സ്ഥാപിക്കപ്പെട്ടത് - നീലേശ്വരം

            ■ 'കേരളത്തിന്റെ ഊട്ടി" എന്നറിയപ്പെടുന്നത്‌ റാണിപുരമാണ്‌ (കാസർഗോഡ്).'കേരളത്തിന്റെ ഊട്ടി' എന്നറിയപ്പെടുന്ന ജില്ല-വയനാട്. 'പാവങ്ങളുടെ ഊട്ടി' എന്നറിയപ്പെടുന്നത്‌ പാലക്കാട്ടെ നെല്ലിയാമ്പതിയാണ്‌. 'തെക്കന്‍ കേരളത്തിന്റെ ഊട്ടി' എന്നറിയപ്പെടുന്നത്‌ തിരുവനന്തപുരത്തെ പൊന്‍മുടി.

            ■ കേരളത്തിലെ ആദ്യ ഇ-പേമെന്‍റ ഗ്രാമപ്പഞ്ചായത്ത്‌ -മഞ്ചേശ്വരം

            ■ കേരളത്തിലെ ഏക തടാകക്ഷേത്രം - അനന്തപുരം കായല്‍ക്ഷേത്രം.

            ■ യക്ഷഗാനം രൂപംകൊണ്ട ക്ഷേത്രമെന്ന്‌ കരുതപ്പെടുന്നത്‌ -മധൂര്‍ ക്ഷേത്രം

            ■ 'സംസാരിക്കുന്ന കഥകളി” എന്നറിയപ്പെടുന്നത്‌ യക്ഷഗാനം.

            ■ വൈഷ്ണവ സന്ന്യാസി രാംദാസ്‌ സ്ഥാപിച്ച ആശ്രമം - കാഞ്ഞങ്ങാട്‌ ആനന്ദാശ്രമം

            ■ എന്‍ഡോസൾഫാന്‍ ദുരിതനിവാരണത്തിനായി തയ്യാറാക്കിയ പദ്ധതിയാണ്‌ 'ഓപ്പറേഷന്‍ ബ്ലോസം സ്പ്രിങ്'‌.

            ■ “കാസർഗോഡ്‌ എന്‍ഡോസൾഫാന്‍ ദുരന്തം' രണ്ടാം ഭോപ്പാല്‍ദുരന്തം എന്നാണ്‌ അറിയപ്പെടുന്നത്‌.

            ■ ടി x ഡി തെങ്ങിനങ്ങളും മംഗള കവുങ്ങും വികസിപ്പിച്ചെടുത്ത ഗവേഷണകേന്ദ്രമാണ്‌ കാസര്‍ഗോട്ടെ സി.പി.സി.ആര്‍.ഐ.

            ■ മഞ്ചേശ്വരംപുഴയുടെ ഉദ്ഭവം ബാലെപ്പൂണി കുന്നുകളും പതനസ്ഥാനം ഉപ്പളകായലുമാണ്.

            ■ കാസർഗോഡ്‌ നഗരത്തെ 'യു' (U) ആകൃതിയില്‍ വലംവെക്കുന്ന നദി - ചന്ദ്രഗിരിപ്പുഴ.

            ■ കേരളത്തിലെ ഏറ്റവും ചെറിയ നദി - മഞ്ചേശ്വരം പുഴ (16 km).

            ■ ചന്ദ്രഗിരിപ്പുഴ പയസ്വിനിപ്പുഴ എന്നും അറിയപ്പെടുന്നു.

            0 Comments